دارالاِفتاء

kya istabra se kapra napak hota hai ya nahi.agar koi safar me ho to kya kare.

..Hawale Kai Sath Jawab Irshad farmayai... ?..salam..zawal kai waqt azan daine main koi harz hai

کیا فرماتے ہیں علماے کرام اس مسئلہ میں کہ پاک و ناپاک سارے کپڑے بیوی دھوتی ہے یا واشنگ مشین میں دھویا جاتا ہے اور شوہر اس کپڑے کو پہن کر امامت کرتا ہے تو اس کے بارے میں کیا حکم ہے۔

Kya jhot bolne ya Gale dene se vzu tot jata h..

Alkohal laga ke namaz parne se namaz ho jaye gi

بہ وقت جماع جو کپڑا بدن پر رہتا ہے ، مثلاً کرتا قمیص، تہبند، پاجامہ، بہ وقت غسل ان سب کپڑوں کا دھونا ضروری ہے یا صرف تہبند یا پاجامہ ۔ ہمارے یہاں عموماً یہ رائج ہے کہ صرف پاجامہ یا تہبند دھوتے ہیں، اور کرتا ، قمیص، واسکوٹ، صدری، یا کوٹ نہیں دھوتے، یہ کیسا ہے؟

کیا فرماتے ہیں علماے دین اس مسئلہ میں کہ زید نے وضوکے لیے لوٹے میں پانی رکھا بکر کو پیاس معلوم ہوئی اس نے اس پانی کو جو وضوکے لیے رکھا تھا منہ لگا کر پی لیا، اس پر زید برافروختہ ہوکر کہنے لگا کہ اس پانی سے اب وضو نہیں ہوگا اس کو گرا کر دوسرا پانی لیا اور اس سے وضو کیا۔ اس پر بکر نے پوچھا کہ کوئی ایسی صورت ہے جس سے وہ پانی سے پیاس بھی بجھالے اور وضو بھی کرلے؟ تو اس نے کہا ،ہاں !بجاے گردن سے اگر ٹوٹی سے پانی پی لے تو وضو ہو جاتا ہے۔ اب جواب طلب امر یہ ہے کہ گردن کے ذریعہ سے پانی پینے سے وضو ہوتا ہے کہ نہیں؟

بائک کے ایک حادثے میں میں زخمی ہو گیا کہنی میں اور چھوٹی انگلی سے قریب دونوں انگلیوں میں زخم زیادہ آنے کے باعث ڈاکٹر نے وہاں پٹی باندھ دی ہے میں وضو میں ان پٹیوں پر مسح کرتا ہوں عرض یہ ہے کہ کیا میں امامت کر سکتا ہوں۔

کیا فرماتے ہیں علمائے دین و مفتیان شرع متین اس بارے میں کہ وضو میں دارھی دھونے کے حوالے سے بیان کیا جاتا ہے کہ جہاں داڑھی گھنی ہو وہاں بالوں کی جڑ تک دھونا ہے اور جہاں داڑھی ہلکی ہو وہاں کھال کا دھونا فرض ہے، ان دونوں صورتوں میں فرق کیا ہے جب جڑ تک بالوں کو دھوئیں گے تو کھال بھی تو دھل ہی جائے گی اس بارے میں رہنمائی عطا کر دیں۔

وضو کے پانی کے ساتھ گناہ صغائر جھڑتے ہیں یا گناہ کبائر؟ مہربانی فرما کر جواب عنایت فرمائیں۔

غسل کرتے وقت جو وضو کیا جاتا ہے اس سے نماز جائز ہے یا نہیں ؟

ابھی ماضی قریب میں ایک نئی قسم کے عینک کا ایجاد ہوا ہے جس کو کانٹیکٹ لینس Contact Lence کہتے ہیں اور وہ آنکھوں میں جو سیاہی ہے (یعنی کیکی) اس کے بقدر سائز میں ہوتا ہے۔ ضرورت پر اس کو کیکی پر لگا دیتے ہیں۔ سوال اب یہ ہے کہ اس قسم کے عینک کے ہوتے ہوئے وضو وغسل جنابت درست ہوگا یا نہیں؟ کیوں کہ وہ آنکھ کے اندر کیکی کے اوپر ہوتا ہے اور اس کو بار بار نکالنے میں تکلیف ہوتی ہے۔ بینوا توجروا۔

وضو کرتے وقت پیر کی انگلیوں میں خلال کرنے کے لیے بائیں ہاتھ کی کون سی انگلی استعمال کرنی چاہیے، انگوٹھا یا چھوٹی انگلی؟ از راہ کرم مدلل جواب عنایت فرمائیں جو تسکین کے لیے بس ہو۔ بینوا توجروا۔

وضو میں پیر دھونا فرض ہے یا پیر کا مسح کرنا فرض ہے۔ قرآن سے اس کی سند بیان فرمائیں اور اگر ان مسائل میں چاروں ائمہ کے مسلکوں میں اختلاف ہو تو چاروں مسلک کے رو سے الگ الگ جوابات تحریر فرمائیں ۔

میت کے غسل کا پانی ، وضو کا ماے مستعمل عام گڑھا یا نالی میں جانے دیا جائے ،یا اس کے لیے الگ گڑھا کھود کر رکھا جائے ، شرعا کیا حکم ہے؟

ووٹ ڈالتے وقت انگلی میں نشان لگا دیا جاتا ہے جو ضروری ہے۔ دریافت طلب امر یہ ہے کہ یہ رنگ ہے یا پالش یعنی اس کے چھڑائے بغیر وضو اور غسل وغیرہ درست ہے یا نہیں؟

مسح راس کا مستحب طریقہ کیا ہے ؟ جواب مرحمت فرمائیں۔

وضو خانہ کس رخ کا ہونا چاہیے اگر کسی مسجد کا وضو خانہ اس طرح ہو کہ وضو کے وقت منہ جانب مشرق پر اور پشت مغرب ہو تو اس کا کیا حکم ہے؟

وضو رہنے پر بیداری میں لیٹنے سے چاہے جس طرح سے لیٹے خواہ چت لیٹے، یا پٹ لیٹے، یا کروٹ لیٹے، یا تکیہ لگا کر لیٹے، یا کسی چیز کے سہارے لیٹے کہ وہ چیز کھینچ لینے سے گر پڑے کیا صورت مسئولہ میں وضو ٹوٹ جائے گا یا نہیں؟ عوام الناس کہتے ہیں کہ با وضو شخص کسی چیز کے سہارے لیٹے جب کہ وہ چیز کھینچ لینے سے یہ شخص گر پڑے تو یقینا وضو ٹوٹ جائے گا لیکن راقم الحروف اس کا قائل نہیں ہے۔ فارسی مالا بد منہ اور اردو کی کتابوں میں جو لکھا ہے کہ با وضو شخص ایسی چیز کے سہارے سوئے کہ اس کو کھینچ لینے سے یہ شخص گر پڑے تو وضو ٹوٹ جائے گا۔ راقم الحروف اس کا قائل ہے کیوں کہ سونے اور لیٹنے میں فرق ہے سونا اس کو کہتے ہیں نیند سے ہو اور لیٹنا اس کو کہتے ہیں کہ بیدار ہو، عوام سونے اور لیٹنے کو ایک ہی سمجھتے ہیں۔ حالاں کہ راقم الحروف کے علم میں ایک نہیں ہے بلکہ دوہیں، اس کو مفصل طور پر سمجھا دیا جائے کہ شرعا کیا حکم ہے تاکہ عوام کو اعتراض کا موقع نہ رہے۔

ماں نے وضو کے بعد بچے کو دودھ پلایا تو وضو میں کوئی نقص پیدا ہوگیا؟ اگر بحالت نماز بچے نے پی لیا تو کیا حکم ہے؟

ایک عام مسلمان بھی اس سے واقف ہے کہ ہوا آئے تو ہوا کے خارج ہو جانے سے وضو ٹوٹ جاتا ہے اگر نماز میں یہ معاملہ پیش آئے تو کیا اسے نماز ہونے تک روکے رکھے نماز پوری کرلینا جائز ہے؟ کیا اس سے نماز مکمل ہو گی؟ بینوا توجروا۔

ایک شخص کو پیشاب کے قطرات آتے رہتے ہیں اکثر نماز میں ریاح اور ریاح کے ساتھ پیشاب بھی ایک، دو قطرے نکل آتا ہے کیا نماز چھوڑ کر پھر سے کپڑے بدل کر وضو کر کے نماز پڑھے یا اسی حالت میں نماز پڑھے؟

فتاوی رضویہ جلد اول ص:۴۲ میں ہے ’’مختلف جلسوں میں اتنا خون نکلا کہ اگر ایک بار آتا ضرور بہ جاتا تو اب بھی نہ وضو جائے نہ کپڑا ناپاک ہو کہ ہر بار اتنا نکلا ہے جس میں بہنے کی قوت نہ تھی‘‘ دریافت طلب امر یہ ہے کہ کیا وہ کپڑا جس میں خون بار بار تھوڑا تھوڑا نکل کر جم گیا ہو پاک ہے؟ اگر پاک ہے تو وضو کر کے اس سے چہرہ صاف کرنا جائز ہے؟ براے کرم اس شبہہ کا ازالہ فرمائیں۔

(۱) کن کن چیزوں سے وضو ٹوٹ جاتاہے؟ (۲) اگر کسی شخص نے وضو کیا اور اس کے بعد اس کے ہاتھ میں، یا بدن کے کسی حصے میں، یا جسم کے نصف حصے میں آدمی کا پاخانہ لگ جائے تو اس پاخانہ کو دھو ڈالنے کے بعد اسی وضو سے آدمی نماز پڑھ سکتا ہے یا پھر وضو کر کے نماز پڑھے؟

کیا آگ سے پکی ہوئی چیز کھانے سے شافعی حضرات کے یہاں وضو ٹوٹ جاتا ہے؟

میں ایک جلد ساز ہوں اور اکثر وبیش تر ہمارے یہاں قرآن شریف مرمت وجلد سازی کے لیے آتا ہے۔ قرآن مجید کی جلد بندی میں درج ذیل امر نہایت ضروری ہے: (۱)الٹنا پلٹنا، ٹھوکنا، چھیدکرنا وغیرہ، زیر غور مسئلہ یہ ہے کہ یہ امر علماے دین کی نظر میں کیسا ہے اسے کرنے میں کیا دھیان رکھنا ضروری ہے۔ (۲) کیا اس کام کے لیے باوضو ہونا ضروری ہے۔ یا یہ کہ بدن پاک ہونا کافی ہے کیوں کہ گراہک کبھی بھی آتے ہیں اور گھنٹے آدھے گھنٹے کے اندر جلد مکمل کرانا چاہتے ہیں اور یوں بھی دوکان پر اور بازار میں پانی کا میسر ہونا اور وقت کی قلت ، دکان داری کا نقصان، بیماری کا عذر، ان سارے مسئلوں کو سامنے رکھتے ہوئے علماے دین کیا فرماتے ہیں۔ (۳) اگر ان سب باتوں سے قرآن کی بے حرمتی ہوتی ہو تو اس کے معافی کی کیا صورت ہے۔ براے مہربانی ذرا تفصیل سے لکھیں۔

عصر کی نماز کا وقت ہو چکا تھا۔ وضو کیا عصر کی نماز پڑھی۔ جنازہ آگیا اسی وضو سے نماز جناز ہ ادا کیا۔ دفن کرنے کے بعد مغرب کا وقت آگیا اسی وضو سے نماز مغرب ادا کی۔ چند لوگ کہتے ہیں کہ مغرب کی نماز نہیں ہوئی، نماز جنازہ کے بعد پھر سے وضو کر کے نماز پڑھنا چاہیے۔ از روے شریعت حوالہ کے ساتھ جواب عنایت فرمائیں۔

غسل کے فرائض اور فرض ہونے کے اسباب تحریر کریں۔

جنابت کا غسل ہے تو کہاں سے شروع کریں۔ شروع سے لےکر آخر تک کس طرح غسل کریں؟

مسجد کے اندر اگر غسل کی حاجت ہو جائے تو غسل والے کو مسجد کے اندر سے باہر نکلنے کا طریقہ کیا ہے؟

زید اپنے دادا کی بنوائی ہوئی مسجد میں غسل کرتا ہے جب کہ مسجد میں غسل خانہ نہیں بنا ہے جس کی وجہ سے غسل کے پانی کے چھینٹے مسجد کے صحن پر پڑتے ہیں زید نے کہا کہ ہمارے دادا کی بنوائی ہوئی مسجد ہے جس کو غسل کرنا ہو وہ ایک اپنی مسجد بنوالے۔

غسل میں حکم ہے کہ پہلے دونوں ہاتھ دھو کر پھر جاے استنجا دھوئے چاہے نجاست لگی ہو یا نہیں۔ اب ایسی صورت میں جب کہ باہر عوامی نل وغیرہ پر غسل کر رہا ہو اور عوام موجود بھی ہوں تو مکمل غسل کس طرح کرے؟ بینوا وتوجروا

کیا لائف بواے صابن سے نہانے کے لیے حضور مفتی اعظم ہند علیہ الرحمہ منع فرماتے تھے؟

ایک شخص سو کر اٹھا یہاں تک کہ نماز قضا ہو گئی تب وضو کر کے نماز پڑھ لیا اب بتلائیے کہ ایسے شخص کو شریعت کیا کہے گی۔ نیز کوئی سو کر نماز کے آخری وقت میں اٹھا اور اس کو غسل کی ضرورت ہے وہ غسل کرنے لگا ، یا پاخانہ کی حاجت ہے اور رفع حاجت کے لیے گیا دونوں حالت میں نماز قضا ہو گئی کیا ایسے شخص پر گنہ گار کا فتوی عائد ہوگا شرعا بیان کر دیا جائے۔

ایک شخص کو رات میں احتلام ہو گیا لیکن اس کو کچھ معلوم نہ ہو سکا کہ احتلام ہو گیا ہے، صبح کو اس نے اٹھ کر وضو بنا کر فجر کی نماز ادا کر لی بعد فجر کے دن میں کپڑے پر نشان دیکھ کر سمجھا کہ مجھ کو احتلام ہو گیا تو اس نے غسل کر کے پھر سے دوبارہ فجر کی نماز قضا پڑھی۔ اب بتلائیے کہ فجر کی نماز ہوئی یا نہیں ہوئی اور قضا پڑھنا اس کا بیجا ہوا یا نہیں؟

مرض کی حالت میں ناپاکی ہو تو غسل کرنا کیا اس کے لیے ضروری ہے؟

(۱) غسل خانہ کے اندر ننگے غسل کرنا کیسا ہے؟ (۲)اگر کوئی بغیر جوڑی ہوئی لنگی پہن کر نماز پڑھے تو نماز جائز ہو گی یا نہیں؟ (۳)حضور صلی اللہ تعالی علیہ وسلم کے روضہ اطہر پر جا کر ڈائرکٹ نیک مراد مانگ سکتے ہیں؟ نیز اگر کوئی ڈائرکٹ مانگنے سے انکار کرے تو شرع متین کا منکرہے؟ اس کے بارے میں کیا حکم ہے؟ (۴)کسی بزرگ کے مزار پاک پر جاکر نماز نفل پڑھ سکتے ہیں یا نہیں؟ بینوا وتوجروا

غسل خانہ میں یا تالاب میں غسل کرتے وقت لنگی اتارنے کے بعد قبلہ رخ ہونا منع ہے یا گھر کے اندر قبلہ رخ کھڑے ہو کر کسی ضرورت سے لنگی اتاری جا سکتی ہے یا نہیں؟

غسل کے مسائل میں حضرت صدر الشریعہ رحمۃ اللہ علیہ نے ایک حدیث نقل فرمائی ہے وہ یہ ہے : ام المومنین صدیقہ نے حمام میں جانے کا سوال کیا۔ فرمایا: عورتوں کے لیے حمام میں خیر نہیں اگرچہ تہبند اوڑھنی اور کرتے کے ساتھ جائیں۔

آصف مصنوعی دانت لگایا ہے اور اس طریقے سے ڈاکٹر نے اس کو لگایا کہ وہ کسی وقت کھلتا ہی نہیں اگر کھولے گا تو اس کو توڑ کر ہی کھولنا پڑے گا لہذا از روے شرع فتوی عنایت فرمائیں کہ آصف کے لیے غسل و وضو میں کیا حکم ہے؟

جنبی شخص نے غسل کیا اسی کپڑے کو پہن کر جونجس تھا اچھی طرح غسل کر لیا فرائض وغیرہ کے ساتھ، اب اگر اس لنگی یا کپڑے کو الگ سے نہ دھلا جائے تو کیا استعمال کرنا جائز ہوگا اور جنبی کا غسل کرنا اس کے ازار وغیرہ کے پاکی کو کافی ہوگا اگر کافی نہ ہوگا تو کیا اس کا غسل ہوا یا نہیں؟

زید اپنی بیوی سے مباشرت پر قادر نہیں ہے۔ یعنی اس کا آلۂ تناسل بے کار ہے تو وہ کسی نلی وغیرہ کے ذریعے اپنی بیوی سے مباشرت کرتا ہے تو کیا ایسی صورت میں اس پر غسل کرنا واجب اور بغیر انزال کے اس کی بیوی پر بھی غسل واجب ہوگا یا نہیں۔ مع حوالہ کتب ارسال فرمائیں۔ بینوا توجروا

(۱) زید کو کسی لڑکی یا لڑکا کو دیکھ کر یا یوں ہی سوچ کر جو ش آیا لیکن اس وقت منی خارج نہیں ہوئی کچھ دیر کے بعد پانچ منٹ یا دس منٹ کے بعد خارج ہوئی تو کیا غسل واجب ہوگا یا جوش آنے کے بعد پیشاب کیا اس کے پہلے منی خارج نہیں ہوئی لیکن پیشاب دھوتے وقت چکنا معلوم ہوا تو کیا غسل واجب ہوا؟ (۲) زید کو پیشاب کرنے کے بعد پیشاب ٹپکنے کا مرض ہے قریب دس پندرہ منٹ تک جس میں کبھی پیشاب کا قطرہ یا کبھی منی کا قطرہ ٹپکتا ہے بغیر جو ش کے لیکن پیشاب کرنے کے بعد جوش آیا اور اس کا مرض ہے کہ کبھی منی ٹپکتی ہے کبھی پیشاب ، تو پیشاب کرنے کے بعد جوش آیا تو منی کا قطرہ ٹپکنے پر کیا حکم ہے؟ پیشاب کا قطر ٹپکنے پر کیا ہے؟ اور بغیر جوش کے ٹپکنے پر کیا حکم ہے؟

ہمارے ضلع کی جامع مسجد میں ایک مولانا غلام رسول صاحب جو کہ خطیب وامام جمعہ کے فرائض عرصہ تقریبا آٹھ سال سے انجام دے رہے ہیں۔ ایک دینی سفر کے دوران ایک اسٹیشن پر نماز عصر ادا کرنے کے لیے تمام مسافروں نے غسل ووضو کیا تو مولانا نے بھی غسل کیا مگر انھوں نے ستر عورت کا کوئی خیال نہ رکھا ۔ مولانا نے جانگھیا پہن کر غسل کیا جو کہ صرف ان کی شرم گاہ کو ہی چھپا سکتا تھا باقی ناف اور گھٹنوں سے اوپر کا کافی حصہ ننگا نظر آتا تھا جس کو دیکھ کر بہت سارے مسافروں نے شرم محسوس کی اور طعن آمیز الفاظ کہے۔ کیا ایسے مولانا کو جامع مسجد کا خطیب بنے رہنے کا حق حاصل ہے جب کہ مسجد میں نماز جمعہ ادا کرنے کے لیے بہت سارے پرہیز گار با شرع سنی علما بھی موجود ہوتے ہیں۔

زید مولوی ہے مدرس کا کام اور امامت بھی کرتا ہے ایک مسجد میں جس کا صحن دو گز چوڑا ہے، اسی میں پانی کا پائپ بھی ہے اور وضو کرنے کی جگہ بھی، زید اسی مسجد میں پائپ پر غسل کرتا ہے بغیر ستر کیے ہوئے صرف جانگھیا پہن کر۔ کیا اس طرح غسل کرنے والا پاک ہو سکتا ہے یا نہیں۔ ایسے شخص کو امام بنانا کیسا ہے، اس کے پیچھے نماز پڑھنے والے مقتدی کی نماز ہوتی ہے یا نہیں۔ مسجد اور پائپ کے درمیان کوئی پردہ نہیں ہے لہذا شریعت کی روشنی میں جواب عنایت کریں۔ بکر کہتا ہے زید کے پیچھے نماز پڑھنے میں کوئی حرج نہیں کیوں کہ اس کے اعمال اس کے ساتھ ہیں ہماری نماز ہو جاتی ہے۔ کیا بکر کا قول صحیح ہے، یا جو نماز پڑھی گئی ہے وہ مقتدی کے ذمہ قضا ہے؟

پانی مستعمل کب ہوتا ہے، کسی نے غسل شدہ ہاتھ بغیر کسی مجبوری کے بھری بالٹی یا لوٹا میں ڈالا تو کیا وہ مستعمل ہوا ، یا نہیں؟

ایک لوٹا پانی بھرا ہوا تھا، اس میں کسی نے ہاتھ کی انگلیاں ڈال دیں تو آیا وہ پانی مستعمل ہوگا یا نہیں۔ اگر مستعمل ہوا تو اسے مطہر کرنے کا کیا طریقہ ہوگا؟ بینوا توجروا

گنگا ندی کے جنوبی کنارے پر پٹنہ شہر واقع ہے پورے شہر کا غلیظ وناپاک پانی نالوں سے بہتا ہوا گنگا ندی میں گرتا ہے یہ سارے نالے ایک دوسرے سے لگ بھگ پچیس ہاتھ سے لے کر چالیس ہاتھ کے فاصلہ میں گنگا ندی کے کنارے پر گرتے ہیں ندی کا بہاؤ مشرق کی جانب ہے اب دریافت طلب امر یہ ہے کہ نالہ گرنے کی جگہ سے کم از کم کتنے ہاتھوں کی دوری پر غسل وغیرہ کیا جائےکہ کسی قسم کی کراہت نہ ہو۔ اور نالہ گرنے کی جگہ سے بہاو کی طرف کتنے دور تک کا پانی ناپاک مانا جائے گا؟

ایک حوض میں پانچ کوئنٹل پانی ہے اس میں ایک کچھوا ڈال دیا ہے اس پانی سے وضو کرنا کیسا ہے؟

پانی کا ایک چھوٹا سا حوض ہے جس کی لمبائی پانچ ہاتھ اور چوڑائی ساڑھے تین ہاتھ اور گہرائی ایک گز کے قریب ہے، اس حوض کے اندر دو بچے ننگے نہاتے ہیں تو کیا اس حوض کا پانی وضو اور غسل کے لائق رہتا ہے یا نہیں، اور جو نمازیں اس پانی کے وضو سے اور غسل سے پڑھی گئی ہیں تو وہ نمازیں ہو جائیں گی یا لوٹانی پڑیں گی، مذکورہ حوض کے پانی سے امام نے وضو وغسل کر کے نماز پڑھائی ہے تو کیا امام اور مقتدی دونوں کو نماز لوٹانی پڑے گی یا نہیں؟ شافعی وحنفی دونوں مسلک کے مطابق جواب عنایت فرمائیں۔

مدرسہ میں پڑھنے والے نابالغ بچوں سے مدرسین کام لے سکتے ہیں کہ نہیں جیسے کہ وضو کے لیے پانی منگانے میں کیا قباحت ہے۔ حوالے سے جواب عنایت فرمائیں۔

اگر نماز کے وضو کے لیے کسی نابالغ بچے سے پانی مانگ لیا جائے تو ہینڈ پائپ پر بچے کھڑے ہوں اور ان سے کہہ دیا جائے کہ پانی پائپ سے چلا کر دے دو اگر وہ دےدیں تو اس پانی سے وضو درست ہے یا نہیں؟ کچھ لوگوں کا خیال ہے کہ وضو درست نہیں ہوتا ہے۔

ہاتھ دھوئے بغیر اگر پانی میں ڈبوئے جائیں تو پانی مستعمل ہوجاتا ہے اور مطہر نہیں رہتا ۔ آیا یہ حکم آب دست کے لیے جو پانی لیا جاتا ہے اس کے بارے میں بھی ہے؟

(۱) کنواں کیسا ہونا چاہیے اس کی چوڑائی اور لمبائی کی شرعا کوئی مقدار ہے؟ (۲) دہ در دہ حوض میں کوئی کافر ہاتھ ڈال دے تو وہ پانی پاک ہے یا نہیں؟ اور جس شخص پر غسل فرض ہے وہ شخص اگر دہ در دہ حوض میں ہاتھ ڈال دے تو کیا پانی پاک ہے یا نہیں؟

ہمارے شہر میں ایک مسجد کے احاطے میں ایک کنواں ہے اس کی گولائی ۳۵ ہاتھ نہیں ہے اس کنویں کا پانی بذریعہ بجلی ایک چھوٹے حوض میں پہنچاتے ہیں اور وضو کے لیے استعمال کرتے ہیں۔ محلہ کے لوگ اس کنویں کے پانی کو رسی سے کھینچ کر لے جاتے ہیں۔ اب کچھ لوگوں کا کہنا ہے کہ اس طرح کنویں کا پانی باہر سے لوگوں کے لے جانے سے پانی اب وضو کے قابل نہ رہا ۔دریا فت طلب امر یہ ہے کہ کنویں کی گولائی کی حد شرع میں کیا ہے؟ باہر کے لوگوں کے کنویں کے پانی کو رسی سے کھینچ کر لے جانے سے پانی وضو کے قابل رہا یا نہیں؟ کنویں کے پانی کو بجلی کے ذریعہ کھینچ کر باہر کے لوگوں کو دینا کیسا ہے؟ کنویں کا پانی کب نجس ہوتا ہے، ۳۵ ہاتھ سے کم جس کی گولائی ہو اس کنویں کا پانی کوئی بے وضو آدمی رسی سے کھینچ رہا ہے اس کے ہاتھ سے پانی کے قطرے کنویں میں گر گئے کیا وہ پانی وضو کے قابل رہا ، ایسے وقت میں کتنے ڈول پانی نکالا جائے گا؟

بے نمازی کے غسل کا پانی کنواں میں گرے تو کنواں پاک ہے کہ ناپاک ، اگر ناپاک ہے تو کتنا پانی نکالا جائے گا؟

زید جس کنویں سے پانی پیتا ہے اس میں خنزیر گرگیا تو زید نے ایک دو مزدور سے دن بھر پانی نکلواکر کنویں کو پاک سمجھ کر استعمال کرنا شروع کر دیا جب کہ خنزیر گرنے پر پورا پانی نکالا جائے گا۔لیکن بتانے پر بھی کہتا ہے کہ میں بھی پڑھا لکھا ہوں۔ ایسے شخص کے لیے کیا حکم ہے۔ کیا اس صورت میں کنواں پاک ہوگا، یا نہیں۔ اگر نہیں تو جو پیتا ہے اس کے لیے کیا حکم ہے؟

ایک مسجد کے پختہ کنواں میں سڑا ہوا چوہا نکلا کچھ لوگوں نے سو، یا پچاس گھڑا پانی نکال کر پانی پینا شروع کر دیا، بعدہ ایک مولوی صاحب پہنچے اور کہا کہ پورا پانی نکالو، چناں چہ پورا پانی نکالا گیا ،تو جن لوگوں نے اپنی راے اور ضد کی بنیاد پر اس ناپاک پانی کو استعمال کیا ان کے لیے شرعا کیا حکم ہے؟

کنویں میں بلی، یا چوہا، یا کبوتر گرکر پھول گیا، پھٹا نہیں اور نکال لیا۔ ایسی حالت میں تین دن کی نماز فرض دہرانے کا حکم اور اس کی وجہ تحریر فرمائیں۔

کنواں کا پانی استعمال کر سکتے ہیں یا نہیں؟ تفصیل کنواں: کنواں تقریبا چالیس فٹ گہرا ہے، تقریبا بائیس فٹ کے بعد پانی شروع ہوتا ہے جو اٹھارہ فٹ ہے، کنواں سے صرف ڈول کو رسی سے باندھ کر پانی نکال سکتے ہیں کیوں کہ اندر کنواں میں سیڑھیاں وغیرہ نہیں ہیں جو کہ پانی تک اتر کر پہنچ سکیں۔ ہمارے یہاں ایک جامع مسجد عادل پور کے کنویں میں بتاریخ ۱۳؍ ربیع الاول ۱۴۰۴ھ شب میں کتا گر گیا تقریبا چار بجے صبح کچھ مصلیان مسجد نماز فجر کے لیے جمع ہونا شروع ہوئے تو کنویں میں سے کتے کی آواز سنائی دے رہی تھی۔ تاریکی تھی روشنی کا بر وقت انتظام نہ ہو سکا بعد فراغ نماز فجر کنویں میں دیکھا گیا سطح آب پر کتا تیرتا ہوا زندہ موجود تھا۔ فوری ڈول رسی سے باندھ کر کنویں میں چھوڑ دیا گیا تاکہ کتے کو جو کہ زندہ تھا کنویں سے نکال دیا جائے مگر ڈول سے کتا کو زندہ نکالنے کی کوشش سود مند ثابت نہ ہوئی چوں کہ کتابڑا تھا ۔ بعد میں جھولا پایا گیا جھولے کو رسی سے باندھ کر کنویں میں چھوڑنا ہی چاہتے تھے کہ کتا کنویں ہی میں دم توڑدیا اور کنویں میں غرق ہو گیا اور تہہ تک پہنچ گیا وقت تقریبا صبح سات بجے تھے اس کے بعد تقریبا دس بجے صبح یعنی تین گھنٹے وقفہ کے بعد غوطہ زن نے اس مردہ کتے کو کنویں سے باہر نکال دیا ۔ اس کے بعد مصلیان مسجد اپنی معمولی معلومات کے لحاظ سے کہ کنویں کا پانی ناپاک ونجس ہو گیا ہے لہذا کنویں کا تمام پانی خالی کرنے کی کوشش میں پہلے واٹر پمپ سیٹ (ڈیزل انجن) لایا گیا اس پمپ سیٹ سے مسلسل چار پانچ یوم تک کوشش کی گئی مگر کچھ ٹیکنیکل وجوہات کی بنا پر پمپ سیٹ پچیس فٹ کی گہرائی سے زیادہ پانی نہیں کھینچ سکتا وغیرہ ۔ الغرض اس پمپ سیٹ سے بہ مشکل تمام پانچ فٹ پانی کنویں سے نکالا جا سکا اس کے بعد کنویں میں پانی کی سطح اندرون چھ سات گھنٹے بعد یعنی پھر پہلے ہی کی طرح سطح آب دوبارہ پرانے نشانے پر آگئی۔ اس کے بعد مزدوروں کے ذریعہ ڈول سے کنویں کا پانی نکالنا شروع کیا گیا، پانچ چھ گھنٹے میں پانچ چھ فٹ پانی کنوئیں سے نکالا گیا۔ مزدوروں کے تھک جانے کے بعد پانچ چھ گھنٹے توقف کے بعد دیکھا گیا کنوئیں میں پھر پانی کی سطح چار فٹ بھرتی ہو گئی۔ اس کے بعد پھر پندرہ سولہ یوم کے بعد زیادہ تعداد میں مزدور فراہم کر کے بہ ذریعہ ڈول کنوئیں سے پانی نکالا گیا یعنی صبح نو بجے سے شام چار بجے تک کنویں کا پانی جو اٹھارہ فٹ تھا اس میں سے دس بارہ فٹ پانی نکالا گیا ما بقی پانی چھ سے آٹھ فٹ نکالا نہ جا سکا کیوں کہ کنوئیں کا جھرہ کافی تیز اور بڑا ہے مزدور جو صبح نوبجے سے شام چار بجے تک مسلسل بلا توقف دس بارہ فٹ پانی کنویں سے نکالے وہ تقریبا چار ہزار ڈول سے زائد ہوگا۔ غرض مزدور بہت تھک گئے مگر کنویں کا پانی خالی نہ ہو سکا۔ اور کنویں کے پانی کا استعمال مورخہ ۱۳؍ ربیع الاول ۱۴۰۴ھ سے اب تک بند ہے جس کی وجہ سے مسجد مذکور میں وضو وغیرہ کے لیے پانی کی تکلیف ہے۔ ساتھ ہی اہل محلہ کے لیے بھی پانی کے استعمال کی تکلیف ہے۔ دریافت طلب امر یہ ہے کہ مذکورہ کنویں کا پانی از روے شرع استعمال کرنا جائز ہے یا نہیں؟ اگر جائز نہ ہو تو کس طور سے جائز ہونے کا جواز ہو۔ براے کرم جواب سے مطلع فرمائیں۔

سیپ کا چونا حلال ہے یا حرام ؟ اگر حرام ہے تو یہ چونا کنواں میں گر جائے یا ڈالا جائے تو پانی نجس ہوگا یا نہیں؟ اگر نجس ہے تو جو شخص اس پانی سے وضو کر کے نماز ادا کیا ہے اعادہ کرےگا یا نہیں؟ زید کہتا ہے کہ نجس نہ ہوگا اور نماز واجب الاعادہ نہیں ہے جیسے مٹی تو کیا زید کا کہنا درست ہے، اور زید گنہ گار نہ ہوگا؟

ایک تالاب میں خنزیر مرگیا ہے، اس کی لمبائی ۵۰ فٹ ہے اور چوڑائی پندرہ فٹ ہے ۔ گہرائی دس فٹ ہے اس میں خنزیر گر کر مر گیا ہے اس میں پھول کر پھٹ گیا ہے ہماراپورا گاؤں جاہل طبقہ ہے، اور اس تالاب میں مچھلی بہت زیادہ ہیں مچھلیوں کے بارے میں کیا حکم ہے؟ ہمارے گاؤں کے لوگ بولتے ہیں کہ اس تالاب میں کیا لگا ہے، ہوا لگنے سے پانی پاک مانا جاتا ہے ہمارے گاؤں میں کوئی خاص پڑھے لکھے آدمی نہیں ہیں، ہم دو آدمی پڑھے ہیں تو ہم لوگوں کی بات کا یقین نہیں لاتے ہیں۔

مسجد میں حوض ہے جس کی لمبائی چوڑائی سب ملا کر سو ہاتھ ہے ، اس لیے حوض میں ایک سُوّر کا بچہ گر کر ادھر ادھر پھرتا رہا کچھ دیر بعد زندہ نکالا گیا، کیا یہ حوض کا پانی پاک ہے اور اس پانی سے وضو کرنا درست ہے، جو نمازیں پڑھی گئیں ان کا کیا حکم ہے؟ زید کہتا ہے کہ سُوّر نجس العین ہے لہذا پانی نکلوا دیا جائے۔ بکر کہتا ہے کہ حوض دہ در دہ ہے اس لیے جائز ہے۔ شریعت کیا کہتی ہے اس کے متعلق۔ جس وقت سور حوض میں پڑا ہے اس وقت شہر میں جہاں پانی کا سپلائی یعنی گورنمنٹ کا پائپ کھلا ہوا تھا اور حوض بھر کر اس کا پانی نالی میں گر رہا تھا۔ یہ پانی بہتا پانی ہے کہ نہیں۔ امام صاحب مسجد کے یہ حکم دیے کہ پانی نکال دیا جاے احتیاطا لیکن کمیٹی یہ کہتی ہے کہ ہرگز نہیں نکلے گا پانی، اس لیے کہ جائز ہے تو کمیٹی کے اوپر ذمہ داری ہے یا نہیں، جب کہ عوام میں سے کچھ لوگ اس پانی سے وضو کرنے میں نفرت محسوس کرتے ہیں۔

کنواں میں ایک استعمال شدہ جوتا (چمڑا یا پلاسٹک کا) گر کر ڈوب گیا ہمارے یہاں کے مولوی صاحب نے صرف چالیس پچاس بالٹی پانی نکلوادیا اور جوتا نہیں نکلوایا، کہتے ہیں کہ پانی پینے کے قابل اور پاک ہے، تو کیا یہ بات صحیح ہے؟ اگر نہیں تو کتنا بالٹی پانی نکالا جائے اور جوتا نکالنے کی حاجت ہے کہ نہیں، اور مولوی صاحب کا مسئلہ غلط ہونے کی صورت میں ان کے لیے کیا حکم ہے؟ بینوا توجروا

زید جو ایک صحیح العقیدہ سنی مسلمان ہے ایک اسکول کا ٹیچر ہے، اس اسکول میں اس کے علاوہ تمام مدرسین وطلبہ ہندو ہیں، اس اسکول میں ایک کنواں ہے، اسکول کے کمرے کچے ہیں، کمروں کو گوبر سے لیپا جاتا ہے، جس بالٹی میں گوبرلاتے ہیں اور لیپتے ہیں اسے صاف کیے بغیر اس کنویں میں ڈال کر پانی نکالتے ہیں یعنی اس بالٹی کے ارد گرد گوبر لگا رہتا ہے ایسی صورت میں اس پانی کے بارے میں شرعا کیا حکم ہے، پانی پاک رہا یا ناپاک؟ اب زید اس پانی سے وضو کر سکتا ہے یا نہیں، اس پانی سے زید نے وضو کر کے جتنی نمازیں پڑھیں اس پر شرعا کیا حکم ہے، جس کمرے کو گوبر سے لیپا جاتا ہے اس میں جاے نماز بچھاکر نماز پڑھنا شرعا کیسا ہے؟

(۱) ہمارے شہر میں مسجد کے احاطے میں کنواں ہے اس کا پانی وضو کے لیے استعمال کرتے ہیں ، شہر کے لوگ اندر آکر پانی لے جاتے ہیں، منع کرنے سے وہ لوگ جھگڑا کرتے ہیں اور کہتے ہیں کہ ثواب کا کام ہے، پانی لے جانے سے وضو کے پانی میں کوئی کمی بھی نہیں ہوتی ، اس لیے کوئی بھی روک نہیں سکتا ۔ دریافت طلب امر یہ ہے کہ اس طرح باہر سے لوگوں کو پانی لے جانے سے کوئی روک سکتا ہے یا نہیں؟ کنویں کا پانی اب وضو کے قابل ہے یا نہیں، اس پانی سے وضو کر کے نماز پڑھے یا پڑھائے تو نماز ہو جائے گی یا نہیں؟ (۲) اسی طرح دوسری مسجد میں بھی ایک کنواں ہے اس کنویں کو اوپر سے دروازہ بنا کر بند کر دیے ہیں اور اس میں پائپ لگادیے ہیں ۔ بجلی سے پانی کو پائپ کے ذریعہ سے چھوٹے حوض میں لاتے ہیں اور ایک پائپ کو مسجد کے باہرلگا دیے ہیں وہاں سے لوگ پانی بھر کر لے جاتے ہیں، اس طرح سے مسجد کے کنویں کا پانی باہر کے لوگ استعمال کر سکتے ہیں یا نہیں؟

ایک چشمہ جاری ہے یعنی ایک چھوٹی سی نہر کے ذریعہ اس کنویں میں پانی آتا ہے، اس کنویں کا قطر بشمولیت ڈیڑھ فٹ کی دیوار ۳۱؍ فٹ ہے اور پانی کی گہرائی ۲۴؍ فٹ ہے اس کنویں میں ایک لڑکا گر کر مر گیا اور فوراً اس کی نعش کو نکالا گیا، نعش کو نکالنے کے بعد سے ہندو و مسلمان اور ہر قوم کے لوگ اس پانی کو استعمال کر رہے ہیں؛ کیوں کہ یہ کنواں سرکاری ہے تقریبا پانی کا استعمال تین ماہ سے ہو رہا ہے، زید کہتا ہے کہ جب تک اس کنویں کا پانی نہیں نکالتے تب تک مسلمان کو یہ پانی استعمال کرنا ناجائز ہے۔ اس پانی سے وضو یا کپڑے وغیرہ صاف کر کے جو نمازیں پڑھی گئیں وہ نمازیں ادانہیں ہوئیں کیوں کہ وہ پانی ناپاک ہے، بکر کہتا ہے کہ جتنا پانی نکالنا تھا اس سے زیادہ پانی نکل چکا ہے۔ اس لیے کہ یہ پانی تین مہینے سے استعمال کر رہے ہیں اب پانی نکالنے کی ضرورت نہیں اگر مسئلے کی باریکیوں کے مطابق عمل کرنا یا چلنا ہے تو اس زمین پر پیر رکھ کر چلنا بھی مشکل ہے۔ (حاشیہ: بکر نے بڑی بے باکی کے ساتھ جو یہ کہا کہ ’’اگر مسئلے کی باریکیوں کے مطابق عمل کرنا، یا چلنا ہے تو اس زمین پر پیر رکھ کر چلنا بھی مشکل ہے‘‘۔ یہ شریعت طاہرہ کے خلاف اور بالکل غلط ہے، دین کے احکام آسان ہیں، اس میں کوئی تنگی نہیں ہے۔ قرآن حکیم میں ہے: ’’ وَ مَا جَعَلَ عَلَيْكُمْ فِي الدِّيْنِ مِنْ حَرَجٍ١ؕ ‘‘ [الحج، آیت: ۷۸] اللہ نے دین میں تم پر کوئی تنگی نہیں رکھی۔ نیز قرآن حکیم میں ہے: ’’ لَا يُكَلِّفُ اللّٰهُ نَفْسًا اِلَّا وُسْعَهَا١ؕ ‘‘ [البقرۃ، آیت: ۲۸۶] اللہ کسی شخص کو اس کی وسعت سے زیادہ مکلف نہیں کرتا۔ اللہ کے رسول ﷺ ارشاد فرماتے ہیں: أحب الدین إلی اللہ الحنیفیۃ السمحۃ۔ [صحیح البخاری، کتاب الایمان، باب الدین یسر] اللہ تعالی کے نزدیک آسان دین بہت پسند ہے۔ لہذا بکر کتاب وسنت کے خلاف بکواس کرنے کی وجہ سے توبہ ورجوع کرے اور آیندہ ہرگز ہرگز ایسی بے باکی نہ کرے۔ واللہ تعالی اعلم ۔ محمد نظام الدین الرضوی) جواب طلب بات یہ ہے کہ زید کا کہنا صحیح ہے یا بکر کا کہنا صحیح ہے؟ اس پانی کا حکم کیا ہے اور پانی کب استعمال کر سکتے ہیں؟ اس کنویں کے پانی کو استعمال کر کے مثلاً وضو ، بدن یا کپڑے صاف کرکے جو نمازیں ادا کی ہیں وہ درست ہیں یا نہیں ؟ اور فاتحہ ونیاز وغیرہ ادا ہوئی یا نہیں؟ نوٹ: اگر شہر میں اس کے علاوہ دوسرا کنواں یا پانی کا انتظام نہیں ہے تو کیا کرنا چاہیے؟

بنکا پور شہر کے اندر جامع مسجد کے کنویں میں ایک انسان کاچار دن پہلے حادثہ ہو چکا تھا جمعرات کے دن وہ کنویں میں گر گیا، مسجد کے اراکین میں سے کسی کو بھی معلوم نہ ہوا ، اتوار کے دن، دن کے ٹھیک دس بجے اس انسان کو کنویں سے باہر نکالا گیا، نکالتے وقت انسان کے ہاتھ کا چمڑا کنویں میں پھٹ کر گر گیا۔ اور کنویں سے نکالتے وقت پیشانی سے خون کی دھار جاری تھی، اس کے کپڑے پھٹ کر کنویں میں گر گئے ۔ کنواں تقریبا ۸۰؍ یا ۹۰؍ گز ڈونگا ہے، اس کی گہرائی دس فٹ ہے ۔ میت کو باہر نکالتے وقت پانی کنویں میں ۲۰؍ گز تھا، ۸؍ دن کے بعد بیچ میں پھر حادثہ گزر گیا۔ کنویں سے مشین لگا کر پورا پانی نکال دیے ۔ کنویں کے اندر ۲؍ یا ۳؍ بکیٹ پانی تھا ، کنویں میں پلاسٹک اور کپڑا ایسا ہی رہ گیا، کنواں پانی سے دوبارہ بھر گیا۔ اب یہ پانی وضو اور استنجاکے لائق ہے یا نہیں ، گاؤں کے اراکین فرماتے ہیں کہ پانی پاک ہو گیا ۔ پاک ہوا یا ناپاک؟

جاری کنویں میں اگر کوئی دموی (بہتے خون والا)جانور مثلا چوہا گر کر مر جائے اور پھول جائے، یا پھٹ جائے یا کنویں میں نجس چیز گر جائے تو ایسی صورت میں کنویں کو پاک کرنے کے لیے شریعت مطہرہ نے کیا صورت متعین کی ہے اور کیا صورت مذکورہ میں تین سو ساٹھ (۳۶۰) ڈول پانی نکال دینے سے کنواں پاک ہو جائے گا؟ جب کہ کنویں میں اس سے کہیں زیادہ پانی ہو، اور کیا اس پانی سے وضو کرنے والوں پر نمازوں کا اعادہ بھی واجب ہے اور اگر مسجد کا امام تین سو ساٹھ ڈول پانی نکال دینے کے بعد کنویں کی طہارت کا حکم دے دے تو کیا کنواں پاک ہو جائے گا اور اگر خلاف شریعت امام نے لوگوں سے عمل کرادیا تو ایسے امام کے متعلق کیا حکم ہے؟

کوڑھی اگر کنویں میں گر جائے تو کیا ہوگا؟

ہینڈ پائپ (نل) میں نجاست پڑ جانے پر اس کے پاک کرنے کا کیا طریقہ ہوگا جب کہ نیچے کا وائسر بھی پھٹا ہو اور نجس پانی تہہ تک پہنچ جائے؟

دہ در دہ حوض کی لمبائی اور چوڑائی کا حساب کرنے کے لیے ہاتھ کا حساب ہے، وہ ہاتھ کی لمبائی شرعی حساب سے کتنی ہے اور شرعی گز کتنے انچ کا ہوتا ہے؟ اور حوض کی صرف لمبائی اور چوڑائی کا حساب لیا جائے یا گہرائی کا بھی لیں اگر حوض گول ہو تو اس کا کیا حساب ہے؟

ایک مسجد میں عارضی طور پر ایک استنجا خانہ تھا اس سے تین فٹ ہٹ کر ایک کنواں کھودا گیا اور استنجا خانہ ختم کر دیا گیا ، ایسی صورت میں اس کنویں کے پانی سے وضو، غسل اور دیگر استعمال جائز ہے کہ نہیں؟ کچھ لوگ اس کنویں سے وضو وغیرہ نہیں بناتے ہیں ، اسے ناپاک سمجھتے ہیں اور کچھ لوگ اس پانی کا استعمال وضو و غسل وغیرہ میں کرتے ہیں تو اس میں حق بجانب کون لوگ ہیں ؟ کیا اس کنویں کا پانی پاک نہیں ہے؟

(۱) حوض کتنی طرح کا ہوتا ہے باعتبار شرع وضاحت کریں۔ (۲) بہار شریعت حصہ دوم ص:۳۷ پر مرقوم ہے کہ حوض کی مربع پیمائش دہ در دہ یعنی کل لمبائی چوڑائی سو ہاتھ ہو جائے تو یہ بڑا حوض ہے اور اگر مذکورہ پیمائش سے کم ہو تو چھوٹا حوض ہے۔ جواب طلب امر یہ ہے کہ باعتبار شرع ہاتھ کا شمار کہاں تک ہے؟ نیز حوض کبیر وحوض صغیر سے غسل ووضو جائز ہے یا نہیں؟ (۳) ہمارے یہاں کی ایک چھوٹی مسجد ہے جس کی جگہ تنگ ہے ، بایں سبب مندرجہ ذیل شکل کا حوض ہے: ------- ۱۴؍ فٹ۵؍ انچ چوڑائی--------۲۰؍ فٹ تین انچ لمبائی

(۱) حوض (جو ماے جاری کے حکم میں ہوتا ہے) کتنا لمبا چوڑا ہو عرض وطول فٹ کے اعتبار سے ارشاد فرمائیں اور کم از کم گہرا کتنا ہو؟ (۲) دس فٹ چوڑا اور دس فٹ لمبا کیا یہ مقدار حوض مذکورہ کے لیے کافی ہو سکتی ہے؟

جنب کے بارے میں زید کا کہنا ہے کہ سخت سردی کے موسم میں اگر یہ اندیشہ ہے کہ رات کی نماز پڑھنے سے ٹھنڈی لگ جائے گی اور طبیعت خراب ہو جائے گی تو اس حالت میں جنبی شخص تیمم کر کے نماز فجر پڑھ سکتا ہے؟بیان فرمائیں۔

زید جب استنجا کرتا ہے تو استنجا کرنے کے بعد تقریبا آدھا گھنٹہ تک بول (پیشاب)کے کچھ قطرات ٹپکتے رہتے ہیں جب کہ استبرا بھی کرتا ہے تو کیا زید اسی کپڑے میں جس میں بول کے قطرات ٹپکتے ہیں نماز پڑھ سکتا ہے؟ اور زید نے استنجا کرنے کے فورا بعد وضو بھی کر لیا تو زید کا وضو باقی رہا یا نہیں؟ ایسی صورت میں زید کیا کرے؟ اور زید احتیاطا مندرجہ ذیل فعل بھی کر لیتا ہے: استنجا کرنے کے وقت جانگھیا پہن لیتا ہے تاکہ بول (پیشاب)کے قطرات ٹپکیں تو اسی جانگھیا میں ٹپکیں اور پھر جب اطمینان ہوجاتا ہے کہ اب قطرات نہیں ٹپکیں گے تو جانگھیا اتار کر وضو کرکے نماز پڑھتا ہے اور پھر جب دوبارہ استنجا کا قصد کرتا ہے تو اسی جانگھیا کو پہن کر اطمینان ہو جانے کے بعد جانگھیا اتار کر وضو کرتا ہے کیا مذکورہ طریقہ اپنا نا درست ہے ؟ یا نہیں؟

زید کو فراغت استنجا کے بعد قطرہ آتا ہے مگر فوری صرف استعمال کلوخ سے خروج قطرہ نہیں ہوپاتا ہے جب تک کہ اپنی لنگی ہی میں آلہ کو پکڑ کر مسل نہ دے اور اگر استبرا کرتا ہے تو بعد استبرا پھر بھی ضرورت ہے کہ آلہ کو کسی کپڑے میں مسل دے تاکہ اگر خروج قطرہ ہو تو کپڑے ہی میں جذب ہو جائے اور نماز کے لیے لنگی علاحدہ رکھتا ہے جو نماز پڑھنے کے وقت بدل کر نماز پڑھ لیتا ہے۔ صرف اسبترا سے اگر مکمل طور پر خروج قطرہ ہو جائے تو استبرا سے فائدہ بھی ہوا کہ کوئی بھی قطرہ نکلا اور کلوخ نے جذب کر لیا۔ مگر یہ بھی تو نہیں بعد استبرا آلہ کو کپڑے میں مسلنے سے یا کچھ وقفہ کے بعد بے خیالی میں آلہ کی سپاری پیشاب کی تری آجانے سے اس کے سوا اور کیا بہتر ہو سکتا ہے کہ جس کپڑے میں ہے اسی میں اسی کی تری یا قطرہ کو جذب کر لیا جائے۔ اگر ایسا زندگی میں ایک بار دو بار ہو تو بعدہ پھر استنجا کرنا آسان ہے اور اگر یہ ایک مرض کی شکل اختیار کر چکا ہے تو استنجا سے فراغت کے بعد پھر استنجا کرتے رہنا وہ بھی نماز میں کم وقت باقی ہے اور دوسرے استنجا کے انتظار میں وقت کو کھودینا اور نماز قضا کر دینا کہاں تک درست ہے۔ آیا زید کا استبرا نہ کر کے لنگی ہی میں قطرات کو جذب کر دینا اور لنگی بدل کر نماز پڑھ لینا از روے شرع درست ہے یا نہیں جب کہ یہ متحقق نہیں کہ بعد استنجا اول قطرہ ضرور آوے یا کبھی نہ آوے ، اور ایسا شخص امامت کر سکتا ہے یا نہیں؟

کیا صرف ڈھیلے سے بھی طہارت وپاکی حاصل ہو سکتی ہے یا پانی لیناضروری ہے؟ کیا یہ بھی صحیح ہے کہ چالیس قدم چلنے کے بعد پیشاب کے قطرے ٹپکتے ہیں؟

مجھے ہر وقت طہارت لینے کے بعد پیشاب کے قطرے جاری رہتے ہیں، پیشاب کے ساتھ مذی کے قطرے بھی جاری رہتے ہیں میں اس مجبوری کے تحت لوپ لگا کر نماز پنج گانہ ادا کر رہا ہوں لیکن یہاں چند مولوی صاحبان کا کہنا ہے کہ نماز میں لوپ لگا کر پڑھنے سے نماز نہیں ہوتی، یہ عادت حالت نماز میں بھی ہے مجھے کہنا یہ ہے کہ قطرے اور مذی کے قطرے جاری رہنے میں کیا لوپ لگا کر پڑھنے سے نمازہوتی ہے یا نہیں؟

کسی کو بواسیر کا مرض ہو اور پائخانہ کے وقت بواسیر باہر نکل آئی ہو تو آب دست کرتے وقت بواسیر کو اندر کیے بغیر یعنی بواسیر کو اندر نہ کرے اور آب دست کرلے تو پاکی ہو جائے گی یا نہیں؟

جب میں پیشاب کر کے فارغ ہوتا ہوں تو کچھ دیر کے بعد ایک دو قطرہ آجاتا ہے اگر میں بہت احتیاط کروں پھر بھی آجاتا ہے جس کی وجہ سے میں بہت پریشان ہوں اور یہاں مجبوری یہ ہے کہ میں شہر سے کچھ دور ہوں اور مزارع میں کام کرتا ہوں اور یہاں کچھ کشمیر اور پاکستان کے لوگ ہیں جو کبھی کبھی میرے پاس آتے ہیں تو نماز پڑھانے کے لیے ضد کرتے ہیں کیوں کہ میں آپ کے مدرسہ میں جماعت ثالثہ تک پڑھا ہوں اور داڑھی وغیرہ ماشاء اللہ سنت کے مطابق ہے لوگ مجھے پڑھا لکھا اور امامت کے لائق سمجھتے ہیں جب کہ میں معذور ہوں یہ کہنے پر بھی کبھی کبھی لوگ امامت کے لیے مجبور کردیتے ہیں اور یہی بات جب میں گھر چھٹی پر جاتا ہوں تو گاؤں والے بھی امامت کے لیے مجبور کرتے ہیں اور میرے ساتھ یہاں پر دو آدمی اور کام کرتے ہیں جو اپنے ضلع اعظم گڑھ کے ہیں لیکن وہ امامت بالکل نہیں کر سکتے کیوں کہ ان کے پاس کچھ بھی علم نہیں ہے اگر میں امامت نہ کروں تو سب لوگ الگ الگ نماز پڑھیں گے تو حضور والا سے گذارش ہے کہ کتاب وسنت کی روشنی میں بندۂ مجبور ومعذور کی رہنمائی فرمائیں ۔

زید کا آپریشن ہوا ہےجس کی وجہ سے پیچھے سے ہر ایک دو منٹ میں بار بار ہوا خارج ہوتی ہے جس میں آواز نہیں ہوتی مگر بدبو ہوتی ہے ایسی حالت میں زید نماز ادا کرے یا نہ کرے کیا باجماعت مسجد میں نماز ادا کرے گا یا گھر میں تنہا پڑھے۔ بار بار ہوا نکلنے سے کیا وضو باقی رہے گا، اگر نماز ادا کرے تو کیا نماز ہو جائے گی۔

(۱) نجس کپڑا سوتی ہو یا ٹیریکاٹ کا نجاست لسم دار لگی ہو یا پائخانہ لگا ہو اس کو ملنے کے بعد ہاتھ میں لٹکا کر ایک دو لوٹا اوپر سے پانی بہادیں تو پاک ہو جائے گا یا نہیں؟ (۲) نجس کپڑاسوتی ہو یا ٹیریکاٹ کپڑا بھگوکر مل کر بالٹی میں پانی ڈال کر کپڑا بالٹی میں ڈال کر نکال لیں پھر بالٹی کا پانی گراکر پھر دوسرا پانی ڈال کر پھر کپڑا ڈال کر نکال لیں اس طرح سے تین بار کرنے پر کپڑا پاک ہو جائے گا کہ نہیں، تینوں بار نچوڑنا ضروری ہو تو ٹیری کاٹ کا کپڑا نچوڑنے کے بعد بھی اس میں پانی رہ جاتا ہے تو اس کو پاک کرنے کی کیا صورت ہے؟

منی کے بارے میں بہار شریعت حصہ دوم میں مسئلہ تحریر ہے کہ اگر کپڑے پر لگی ہو سوکھ جانے پر جھاڑنے اور رگڑنے سے پاک ہو جائے گی۔ اس مسئلہ میں کچھ اشکال معلوم ہوتا ہے، ایسا نہیں کہ کتاب کے مسئلہ میں شک ہے۔ (معاذ اللہ) ایسی صورت میں اس کی وضاحت فرمائی جائے۔

کیا فرماتے ہیں علماے کرام اس مسئلہ میں بہار شریعت میں ہے ص:۱۰۶؍ طبع الیکٹرک ابوالعلائی پریس آگرہ، مسئلہ: منی کپڑے میں لگ کر خشک ہو گئی تو فقط مل کر جھاڑنے سے اور صاف کرنے سے کپڑا پاک ہو جائے گا اگر چہ بعد ملنے کے کچھ اثر کپڑے میں باقی رہ جائے، اس مسئلہ میں عورت ومرد اور انسان، حیوان تندرست ومریض جریان سب کی منی کا ایک حکم ہے۔ مسئلہ : بدن میں اگر منی لگ جاے تو بھی اسی طرح پاک ہو جائے گا۔ اس کے بعد دو مسئلے اور ہیں پھر ہے : مسئلہ: اگر منی کپڑے میں لگی ہے اور اب تک تر ہے تو دھونے سے پاک ہو گا، ملنا کافی نہیں۔ کیا ملنے کےلیے سوکھنے کا انتظار کرنا ہوگا ۔ دونوں مسئلوں میں تناقض کس طرح سے دور کیا جاسکتا ہے اور کیا اس طرح سوکھی کو رگڑ کر پاک کر کے تنگی وقت میں یا دوسری وجہوں کے تحت تیمم کر کے نماز پڑھی جا سکتی ہے۔

دو دھ میں یا کسی کھانے کی چیز میں بلی منہ ڈال دے تو کیا کرنا چاہیے؟

ہم پاخانہ میں لوٹا میں پانی لے کر گئے اور پاخانہ میں پرند اور کِرونہ ہیں پھر دیکھا کہ پانی میں لوٹے کے اندر ایک چلا گیا ہے تو وہ پانی پاک رہا یا ناپاک؟

بجلی کا تار گھر میں لگا ہو یا کوئی پیٹی ٹین یا لکڑی کی ہواس پر مکھیاں بیٹھتے بیٹھتے اتنا زیادہ پائخانہ کر دیں کہ پائخانہ ہی پائخانہ دکھائی دے تو وہ تار یا پیٹی پاک رہے گی یا ناپاک؟

زید کہتا ہے کہ اگر کتے کو ’’بسم اللہ اللہ أکبر‘‘ پڑھ کر ذبح کر دیا جائے تو اس کا چمڑا دباغت سے پاک ہو جائے گا، جب کہ بکر یہ کہتا ہے کہ کتا نجس العین ہے اس لیے خنزیر کی طرح اس کا بھی چمڑا دباغت سے پاک نہیں ہوگا، کس کا قول صحیح ہے مع حوالہ درج فرمائیں۔

(۱) لنگی میں ظاہری وباطنی نجاست لگی ہو اور غسل کر کے وہی لنگی پہن کر نکل آئے اب دوسری لنگی پہن کر بدلا، اب نجس لنگی کو پاک کرنے کے طریقہ پر دھولیا تو کیا درست ہو گیا۔ (۲) کسی کو قطرہ کی بیماری ہو ۔ بیماری ہونے کی وجہ سے نمازپڑھتا ہو مگر جب غسل کرنا ہو تو لنگی کو پاک کرنے کے طریقہ پر دھونا ہوگا یا ناپاک کے طریقہ پر ، جب کہ لنگی میں کوئی نجاست نہ لگی ہو صرف پیشاب کا قطرہ لگا ہو۔ (۳) کسی کا کان بہتا ہو اور کان بہہ کر گال پر آجائے تو کیا گال نجس ہو جائے گا اور کان بہنا بند ہو جانے پر کان میں تیل ڈالے اور تیل اندر سے بہہ کر گال پر آجائے تو کیا گال نجس ہو جائے گا؟

سوکھے ہوئے تالاب میں نجاست پڑی ہوئی ہو اور کھیتیوں ، نالیوں کا پانی برسات کے موسم میں کہ جن میں نجاست پڑی ہوئی ہو اسی سوکھے تالاب میں بہہ کر آتا ہو اور پہلی ہی بارش میں وہ دہ در دہ ہو گیا ہو (بھرا نہ ہو) تو اب اس صورت میں اس تالاب کا پانی پاک ہوگا یا نہیں؟

لوہے کی کڑھائی میں نجس پانی میں سیمنٹ بنائی جائے کام ختم ہونے کے بعد کڑھائی دھوتے وقت سیمنٹ کڑھائی میں پکڑ لیے ہو، پاک کرنے کے طریقہ پر کڑھائی دھو لییے ، پکڑی ہوئی سیمنٹ لگی رہ جانے پر کڑھائی پاک ہو جائے گی یا نہیں؟

زید نے کہا کہ مسجد کی صف پر کبوتروں کی بیٹ متعدد مقام پر ہو اور کچھ خشک ہو اور کچھ تر بھی ہو تو کیا یہ فرش دھویا جاوے یا خشک کو کھرچ کر پھینک دیا جائے۔ اور تر بیٹ پونچھ کر پھینک دی جائے اور نماز اسی پر پڑھ لی جائے یا کیسا کرنا درست ہوگا، مفصل تحریر فرمائیں۔

مکان کا آنگن کچا ہے یا اینٹ بچھایا ہو اور دو اینٹوں کے درمیان مٹی ہو اور بچہ پیشاب کر دے تو پیشاب کی جگہ پر ہاتھ رکھ کر اوپر سے پانی گرائے اور زمین کاچھتے(کانچھنا سے، کاچھتے ہوئے یعنی پوچھتے ہوئے۔) ہوئے نابدان تک لے جا کر نابدان میں گرا دینے پر کیا پیشاب کی جگہ کا آنگن پاک ہو جائے گا؟

نجس تیل زمین پر گر جائے اور زمین تیل کو جذب کر جائے مگر ظاہر ہو تو کیا وہ زمین نجس رہے گی؟

نجس کپڑے میں صابن لگا کر پاک کر نے کے طریقے پر دھو لینے کے بعد کپڑے میں صابن کا جز باقی رہ جائے تو کپڑا پاک ہوا یا نہیں؟

زری والے کپڑوں کو بجاے پانی کے پٹرول سے صاف کیا جاتا ہے کہ پانی سے خراب ہو جاتے ہیں، آیا اس طرح سے وہ پاک ہو سکتے ہیں؟ بیان فرمائیں۔

بوری سے پاخانہ کی جگہ کو صاف کیا اور پھر ایک گھنٹہ یا آدھا گھنٹہ بیٹھ کر کام کیا پھر پانی سے استنجا کیا اور وضو کر کے نماز پڑھی اس صورت میں نماز میں کوئی کراہت ہے یا نہیں ہر حال میں پانی موجود ہے۔

اسپرٹ شراب کی قسموں سے اگر ہے تو جس چیز میں اسپرٹ کی آمیزش ہو تو اس کا استعمال از روے شرع کیسا ہے؟ اور اسپرے سینٹ جس میں اسپرٹ کا استعمال کیا جاتا ہے اس کا لگانا درست ہے یا نہیں اور اسپرے سینٹ لگا کر نماز مکمل ہو جاتی ہے یا نہیں اگر نہیں تو حضور سیدنا اعلی حضرت فاضل بریلوی علیہ الرحمۃ والرضوان کی اس عبارت کا مفہوم کیا ہوگا: صرف کپڑوں میں فقیر کے نزدیک عموم بلوی حکم طہارت ہے۔ فتاوی رضویہ جلد یازدہم،ص:۸۹۔ (مطبوعہ ادارہ اشاعت تصنیفات بریلوی) واضح فرمائیں۔

ضروری گزارش یہ ہے کہ بدنام زمانہ وہابی دیوبندی ایک مسئلہ بہار شریعت کا اچھالتے ہیں جس سے بھولے بھالے سنی مسلمان پریشان ہیں، اور میری بھی سمجھ میں نہیں آتا۔ میں نے حضرت مولانا مفتی رضوان الرحمن مفتیِ مَالُوہ سے دریافت کیا اور مولانا رجب علی نانپاروی بھی موجود تھے۔ میرے یہاں جلسہ میں آئے ہوئے تھے، لیکن وہ بھی اس مسئلہ کو نہ سمجھا سکے یہ کہا کہ رطوبت رحم تو ناپاک ہے ۔ میرے یہاں مدرسہ میں جناب مولانا شمس اللہ صاحب بستوی پڑھاتے ہیں جو اس وقت چھٹی پر پیلی بھیت تشریف فرماہیں، ان کو بھی سمجھ میں نہیں آیا۔ حضور والا سے گزارش ہے کہ اس مسئلہ کو تفصیل سے تحریر فرمائیں۔ عین نوازش ہوگی اور اس مسئلہ کو فتاوی رضویہ کا مسئلہ بتاتے ہیں۔ فتاوی رضویہ میں نے دیکھا بھی نہیں، لیکن بہار شریعت حصہ دوم ، ص:۵۰، پر مجھے یہ مسئلہ ملا ہے ، مسئلہ حسب ذیل ہے: مسئلہ: مرغی کا تازہ انڈا جس پر ہنوز رطوبت لگی ہو پانی میں پڑ جائے تو نجس نہ ہوگا، یوں ہی بکری کا بچہ پیدا ہوتے ہی پانی میں گرا اور مرا نہیں جب بھی ناپاک نہ ہوگا۔

گھر کا لوٹا جو پیشاب خانہ میں لے جا کر رکھا جاتا ہو جہاں پیشاب بھی بچے کرتے ہوں اور وہی لوٹا پائخانہ کے لیے کھیت میں لے جاکر وہیں پر رکھا جاتا ہو تو اس لوٹے کی پیندی پاک رہے گی یا ناپاک اور ناپاک رہے گی تو ہمارے گھروں کی عورتیں لوٹے کو صاف کرنے کے لیے راکھی لگا کر لوٹا صاف کرتی ہیں ہاتھ سے رگڑتی ہیں، کبھی پیندی کو رگڑتی ہیں کبھی اوپر کے حصہ کو رگڑتی ہیں ۔ اس طرح سے صاف کرنے پر پورا لوٹا ناپاک ہو جائے گا یا نہیں؟

زید کا کان کسی وجہ سے بہہ رہا تھا یعنی کان کے اندر سے مواد جیسی رطوبت آرہی تھی، اب بند ہو گئی ہے تو اب کان کو زید کس طرح سے پاک کرے کہ کان میں تیل چھوڑنے کے بعد تیل اندر سے لوٹ کر باہر آئے تو تیل پاک رہے۔

مکان بنانے والے یا مکان رنگنے والے نشہ استعمال کر کے آئیں اور ان کے منہ سے بدبو آتی ہو اور مکان میں رنگ لگائیں تو کیا برتن رنگنے والا نجس ہوجائے گا یا دیوار ناپاک؟

شہید کا خون ناپاک ہوتا ہے یا نہیں؟

گوبر، لید وغیرہ سکھا کر بطور ایندھن کھانا پکانے کے کام میں استعمال کرنا جائز ہے یا نہیں، مدلل جواب دیں۔

گورنمنٹ نے ایک اسکیم نکالی ہے وہ یہ ہے کہ گوبر گیس کے لیے روپے دیتی ہے ، لوگ گوبر گیس بنا کر اس سے کھانا بناتے ہیں، اس کے بارے میں کیا حکم ہے؟

زید کو احتلام ہو گیا، صبح اٹھنے کے بعد غسل کر لیا اور تہہ بند بدل ڈالا۔ اچھی طرح سے غسل کیا لیکن سوئٹر یا بنیائن جو پہنے ہوئے تھا وہ چوں کہ صاف تھیں صرف لنگی ہی ناپاک ہوئی تھی، اس لیے بغیر دھلے ہوئے وہ سوئٹر اور بنیائن پہن سکتا ہے اور نماز پڑھ سکتا ہے؟ ایسی صورت میں اگر سوئٹر نہ بدلی جائے تو کیا زید پاک ہے، اس کے کپڑے پاک ہیں اور اس کپڑے میں نماز ہو جائے گی؟ شریعت مطہرہ کی روشنی میں جواب سے نوازیں۔

زید مسجد میں آیا نماز پڑھنے کی غرض سے۔ مسجد کے پیشاب خانے میں جا کر زیدنے کھڑے ہو کر پیشاب کیا ، زید کے اس فعل پر تمام مقتدیوں نے اعتراض کیا تو زید نے کہا کہ کھڑے ہو کر استنجا کرنا رسول اللہ کی سنت ہے (ﷺ) لوگوں نے دریافت کیا کہ کہاں لکھا ہے؟ تو زید نے بخاری شریف کا حوالہ دیا۔ لہذا کرم فرما سے التماس ہے کہ مستند جواب عنایت فرمائیں اور زید کے بارے میں شرعی حکم کیا ہے اس کا بھی اظہار کریں۔

کپڑے سے یا کاغذ سے یا بوری سے پاخانہ کرنے کے بعد پاخانہ کی جگہ کو صاف کر سکتے ہیں یا نہیں جب کہ پانی موجود ہے اور مٹی بھی ریت کی شکل میں موجود ہے۔

پیشاب اور پاخانہ سے طہارت کا طریقہ یہ ہے کہ پہلے کلوخ استعمال کریں، پھر پانی ڈال کر صاف کریں۔ عالم گیری وغیرہ تک میں یہی طریقۂ استعمال لکھا ہے اور اگر منقول فقہ کو نہ لیں گے تو بلا استعمال ڈھیلوں کے صرف پانی سے دھولینے میں پہلے ہاتھ نجاست غلیظہ سے آلودہ ہوں گے جو شرعا ناجائز ہے جیسا کہ حکم ہے: ’’تنجیس الطاہر حرام‘‘۔ ورنہ پیشاب پاخانے میں نہ تھوکنا کیا علت رکھتا ہے، اس حلت کی کون دلیل ہے؟

یہاں پر ایک مولوی صاحب کا کہنا ہے کہ عورت بھی مٹی کے ڈھیلوں سے استنجا کرے یہی سنت ہے، پانی سے استنجا صرف مستحب ہے، سنت ادا نہ ہوگی۔ دوسرے ایک مولوی صاحب کہتے ہیں کہ عورت کو مٹی کے ڈھیلوں سے استنجا نہیں کرنا چاہیے صرف پانی کافی ہے۔ دریافت طلب یہ ہے کہ ان دونوں میں کس کا قول صحیح ہے ؟ عورت استنجا ڈھیلوں سے کر سکتی ہے یا نہیں ؟صرف پانی سے دھولے تو سنت ادا ہو جائے گی؟ استنجا صرف پیشاب کرنے کو کہتے ہیں یا پاخانہ اور پیشاب دونوں سے پاک ہونے کو کہتے ہیں، شرع کے صحیح مسئلہ کا مذاق اڑانے والے پر کیا حکم ہے؟

بیت الخلا کا رخ کس طرف ہونا چاہیے؟

ایک مسجد ہے پہلے سے اس میں بیت الخلا نہیں ہے اب اس میں بیت الخلا بنانا چاہتے ہیں اور اس میں براے استنجا جانب شمال ومغرب پیشاب خانہ بنا ہوا ہے اور وہیں پر تھوڑی سی جگہ خالی ہے اسی جگہ بیت الخلا بنانا چاہتے ہیں لیکن زید کا کہنا ہے کہ جانب شمال بیت الخلا بنانا جائز نہیں ہے لہذا یہ جگہ بھی جانب شمال ومغرب ہے اس بنا پر یہاں بیت الخلا بنانا جائز نہیں ہے۔ جواب طلب امر یہ ہے کہ جانب شمال ومغرب جو جگہ خالی ہے وہاں از روے شرع بیت الخلا بنانا جائز ہے یا نہیں؟ بینوا توجروا

(۱) بخاری ومسلم کی حدیث میں ہے کہ جو پیشاب کے چھینٹوں سے احتیاط نہیں کرے گا وہ عذاب قبر میں مبتلا ہوگا۔ اس میں دریافت طلب یہ ہے کہ چھینٹا پڑنے پر اگر پیشاب کی چھینٹوں کو پانی سے دھوڈالا تین بار اور نماز پڑھ لیا۔ (۲) یا پیشاب کی چھینٹ پڑنا معلوم نہ ہوا حالاں کہ پیشاب پڑ گیا تھا تو کیا ان صورتوں میں بھی عذاب قبر ہوگا۔ اس بارے میں حدیث میں کیا ارشاد ہے شرعا صاف صاف بیان کیا جائے۔

استنجا خانہ اگر کسی مسجد یا مکان میں غلطی سے پچھّم ، پورب رخ بنا دیا گیا ہو تو کیا اسے توڑ دینا ضروری ہے اگر جگہ کی تنگی کے باعث رخ کو ٹیڑھا ترچھا پچھّم یا پورب کی طرف کر دیا جائے تو ایسا کرنا جائز ہوگا یا نہیں۔

وہابیہ وکفار استنجا کے لیے ڈھیلا یا پتھر کا استعمال نہیں کرتے بلکہ وہابیہ تو اس کا مذاق وٹھٹھا کرتے ہیں کہ یہ ڈھیلے کی یا ڈھیلے والوں کی مسجد نہیں الغرض یہ فعل طریقہ اہل سنت ہے تو اس کا ترک ’’من تشبہ بقوم فہو منہم‘‘ کی وعید اطلاق کرے گی یا نہیں؟

کپڑا سوتی ہو یا ٹیریکاٹ، کپڑے میں ظاہری نجاست لگی ہو یا باطنی، یا پیشاب لگا ہو، یا احتلام، یا ہم بستری کی نجاست لگی ہو، یا کسی قسم کی نجاست لگی ہو کپڑا بِھگا کر مل کر پھر کپڑا چن کر ایک ہاتھ سے پکڑ کر کپڑا لٹکا کر دوسرے ہاتھ میں پانی لوٹا میں لے کر کپڑے کے اوپر سے یعنی ہاتھ پر سے پانی ایک لوٹا گرا دینے پر کپڑا کیا پاک ہو جائے گا ؟ اس لیے کہ پانی کپڑے پر سے بہہ کر گرے گا۔

تیمم کے مسئلے میں پانی پر قدرت نہ ہونے کی صورتیں تحریر فرمادیں۔

زید کو نسیان کا مرض ہے کبھی غسل میں بھول جاتا ہے کہ آیا ہم نے کلی کیا اور ناک میں پانی ڈالا یا نہیں؟ اور ڈالا تو ایک بار یاتین بار یوں ہی وضو میں نیز نماز میں بھی شک ہوجاتا ہے کہ فلاں رکن ادا کیا یا نہیں ایسی صورت میں زید کیا کرے؟

حضرت میرے گھر پر منی لگی تھی ۔وہ تھوڑا ہی سوکھا تھا(پورا نہیں ) کہ میں نے اسے کپڑے سے پوچھ دیا ۔پھر کچھ دیربعد پانی سے ایک بار ہی پوچھا گیا تھا کہ کسی کا پیر اس پانی پر لگ گیا ۔تو حضرت کیا اس کا بھی پیر ناپاک ہوگیا-اور اس نے اپنا پیر بہت جگہ لے گئ۔حضرت کیا پورے جگہ کو صاف کرنا ہوگا ۔ ؟؟؟ حضرت میں بہت ڈپریشن میں ہوں مہربانی کرکے جلد از جلد جواب دیجیے۔

Salam Mai machli ka tajir hu machli ke kuch chilke jo uske upar hote hai wo haat par chipak jate hai jaldi nahi nikalte kya aise me wazu hojayega

Assalamualaikum Mera sawal hai ki paishab Karne ke baad mere paishab ke kuch katre aajate hai to kya karna chahiye aur agar main namaz ki halat mein hu to namaz hogi ya nhi

السلام علیکم و رحمة الله و بركاته نماز کے بعد دیکھا کہ کپڑے پر بیٹ لگی ہوئی ہے مگر یہ نہیں معلوم کہ کس پرندے کی ہے اس صورت میں نماز کا کیا حکم ہوگا

Assalam Alaikum Warahmatullah Wabarakatuh 3 month qabal maine yahi sawal bheja tha abhi tak jawab mausool nahin hua braye meharbani jawab se nawazein Kya farmate hain ulamaye deen wa muftiyane shar-e-mateen masla zail mein. Kya tissue paper se istinja jayez hai? Matlab peshab ke qatrat pani se dhone ke bajaye tissue se pochh le to kya istinja sahih ho jayega Braye meharbani jawab se nawazein JazakAllah khair

sawal: Kya Napak aur pak kapde ko ek sath mila kar dhulna Gunaah hai?