دارالاِفتاء

بیان فرمائیں کہ زید اور عمر و دو بھائی صرف ایک ہی نصاب کے مالک ہیں تو کیا صدقۂ فطر اور قربانی دونوں پر واجب ہے؟ یا صرف ایک پر یا کسی پر نہیں؟ محمد تیسر الدین رضوی، مدرسہ ضیاء العلوم، کچی باغ، بنارس، یوپی

فتاویٰ #2608

جب زید وعمرو کے مابین مشترک ایک ہی نصاب ہے تو زکات، یا صدقۂ فطر، یا قربانی کسی پر واجب نہیں؛ اس لیے کہ یہ سب اس شخص پر واجب ہے جو پورے نصاب کا مالک ہو۔ الفتاوی الھندیۃ میں صدقۂ فطر کے بیان میں ہے: وھي واجبۃ علی الحر المسلم المالک لمقدار النصاب(الفتاوی الھندیۃ، ص: ۲۱۰، ج:۱،کتاب الزکاۃ، باب صدقۃ الفطر، دار الکتب العلمیۃ، بیروت۔)۔ اور صورت مسئولہ میں ان دونوں میں سے کوئی بھی مقدار نصاب کا مالک نہیں ؛ اس لیے ان میں سے کسی پر نہ زکات واجب ہے نہ صدقۂ فطر اور نہ قربانی ۔ واللہ تعالی اعلم ۔(فتاوی جامعہ اشرفیہ، جلد:۷(فتاوی شارح بخاری)