دارالاِفتاء

ہمارے گاؤں میں عام رواج شبینہ کا ہے یعنی دو تین حافظِ قرآن کو ایک رات بلا کر لاؤڈ اسپیکر کے ذریعہ بلند آواز سے قرآن کی تلاوت کی جاتی ہے اور اسی رات ختم کیا جاتا ہے اس کام کو باعث خیروبرکت اور دین اسلام کا حکم سمجھا جاتا ہے۔ اب سوال یہ ہے کہ اس طرح شبینہ کا رواج اسلام کے مطابق ہے یا نہیں؟ آیندہ اس کو رواج دیا جائے یا نہیں؟

فتاویٰ #1990

----بسم اللہ الرحمن الرحیم :----- الجواب:---- شبینہ میں کوئی شرعی قباحت نہیں بلکہ باعث اجر وثواب ہے ۔ قرآن مجید کی تلاوت جیسے بھی کی جائے باعث اجر وثواب ہے جب تک کہ کسی خاص طریقہ سے ممانعت نہ وارد ہو۔ اور اس خاص طریقے کی ممانعت کہیں وارد نہیں؛ اس لیے اصل کے اعتبار سے مشروع ہے اس کو بند نہ کیا جائے۔ واللہ تعالی اعلم---(فتاوی جامعہ اشرفیہ، جلد:۵(فتاوی شارح بخاری))---