دارالاِفتاء

نماز میں کتنے فرائض ہیں صحیح مسلک میں ۔ اور خروج بصنعہ فرض ہے یا واجب اور خروج بصنعہ میں لفظ ’’السلام علیکم ورحمۃ اللہ‘‘کہنا واجب ہے یا کیا؟ اگر کوئی نماز پوری کر کے عمداً یوں ہی چل دے بغیر کلمہ سلام کہے نماز ہوگی یا نہیں ؟ تمام صورتوں کو ذکر فرمائیں۔

فتاویٰ #1586

بسم اللہ الرحمن الرحیم – الجواب ــــــــــــــ: نماز ميں ۶؍ فرائض ہیں : قیام،قراءت، رکوع، سجود، قعدہ اخیرہ، خروج بصنعہ۔ لفظ سلام فرض نہیں واجب ہے۔ اگر کوئی نماز سے باہر آنے کے لیے، لفظ سلام نہ کہے اور بالقصد نماز سے باہر آنے کےلیے کوئی کام کرے تو فرض ذمے سے ساقط ہو جائے گا لیکن واجب کے چھوڑنے سے گنہ گار ہوگا۔ واللہ تعالی اعلم (فتاوی جامعہ اشرفیہ، جلد:۵،(فتاوی شارح بخاری))