دارالاِفتاء

بائک کے ایک حادثے میں میں زخمی ہو گیا کہنی میں اور چھوٹی انگلی سے قریب دونوں انگلیوں میں زخم زیادہ آنے کے باعث ڈاکٹر نے وہاں پٹی باندھ دی ہے میں وضو میں ان پٹیوں پر مسح کرتا ہوں عرض یہ ہے کہ کیا میں امامت کر سکتا ہوں۔

فتاویٰ #1268

بسم اللہ الرحمن الرحیم - الجواب: آپ امامت کر سکتے ہیں کہ عذر کی وجہ سے پٹی پر مسح دھونے کے حکم میں ہے چنانچہ فتاوی عالم گیری میں ہے: جس نے وضو کیا ہے تیمم والے کی اور پاؤں دھونے والا موزہ پر مسح کرنے والے کی اور اعضائے وضو کا دھونے والا پٹی پر مسح کرنے والے کی، اقتدا کر سکتا ہے۔واللہ تعالٰی اعلم۔ محمد نظام الدین رضوی شیخ الحدیث و صدر شعبہ افتا جامعہ اشرفیہ مبارکپور۔