دارالاِفتاء

منظور شاہ اپنی عورت مسماۃ حدیث النسا کو طلاق دینا چاہتے ہیں اور حدیث النسا نابالغہ ہے ، کبھی رخصت نہیں ہوئی ہے۔ اس صورت میں منظور شاہ کو دین مہر کس قدر ادا کرنے ہوں گے۔ ایک سو ایک دین مہر پر نکاح ہوا تھا اور حدیث النسا کو کچھ خرچہ عدت کا ملے گا یا نہیں ۔

فتاویٰ #1081

بسم اللہ الرحمٰن الرحیم- الجواب ـــــــــــــــــــــــ: بلا وجہ شرعی طلاق دینا سخت منع ہے۔ اس سے پرہیز لازم اور اگر طلاق دینا ہی ضروری ہو تو صورتِ مسئولہ میں طلاق کے بعد نصف مہر یعنی پچاس روپے آٹھ آنے حدیث النسا کوملیں گے اور حدیث النسا پر عدت نہیں ہوگی۔ اس لیے عدت کا خرچہ نہیں ملے گا۔ واللہ تعالیٰ اعلم۔(فتاوی حافظ ملت)