دارالاِفتاء

(۱) زید بالغ ہے، بقیہ کل نابالغ ہیں، اس صورت میں زید امام بن سکتا ہے؟ اگر امام بن سکتا ہے تو زید کہاں کھڑا ہوگا؟ نابالغوں کے متصل یا محراب میں؟ (۲)زید و بکر بالغ، بقیہ کل نابالغ، اس صورت میں اگر زید امام بن رہا ہے تو زید بکر کے متصل کھڑا ہوگا یا محراب میں؟

فتاویٰ #1626

----بسم اللہ الرحمن الرحیم :----- الجواب:---- (۱) زید ضرور امام بن سکتا ہے۔ نابالغ دستور کے مطابق اس کے پیچھے صف لگائیں۔ متصل اغل بغل نہ کھڑے ہوں۔ واللہ تعالیٰ اعلم۔ (۲) اس صورت میں بکر حسب دستور پیچھے نابالغ بچوں کے ساتھ کھڑا ہو۔ عوام میں یہ غلط مشہور ہے کہ اگر نابالغ بالغوں کے ساتھ ہوں تو نماز نہیں ہوگی۔ یا مکروہ ہوگی۔ واللہ تعالیٰ اعلم۔ (فتاوی جامعہ اشرفیہ، جلد:۵(فتاوی شارح بخاری))