دارالاِفتاء

اگر ظہر کی نماز قضا ہوجائے تو عصر کی اذان ہونے کے بعد قضا پڑھ سکتے ہیں یا نہیں؟ اور اگر عصر کی نماز قضا ہو گئی تو پہلے مغرب کی نماز ادا کریں کہ عصر کی نماز ۔ اگر مغرب کی نماز کے بعد قضا نماز پڑھے تو نماز الٹا پلٹا ہو جائے گی۔ تفصیل سے جواب دیں۔

فتاویٰ #2004

----بسم اللہ الرحمن الرحیم :----- الجواب:---- عصر کی نماز کے بعد ظہر یا کسی بھی نماز کی قضا پڑھ سکتا ہے۔ عصر کی نماز اگر قضا ہوئی اور وہ صاحب ترتیب ہے تو پہلے عصر کی نماز پڑھ لے پھر مغرب کی ورنہ مغرب کی نماز بھی نہیں ہوگی ۔ اور اگر وہ صاحب ترتیب نہیں ہے تو اسے اختیار ہے چاہے پہلے پڑھے یا بعد میں ۔صاحب ترتیب وہ شخص ہے جس کی پانچ وقت سے زائد نمازیں قضا نہ ہوں۔ واللہ تعالی اعلم---(فتاوی جامعہ اشرفیہ، جلد:۵(فتاوی شارح بخاری))---