دارالاِفتاء

ایک شخص نے تالی گم کر دی در حقیقت اس تالی کو امام صاحب نے چھپا کر رکھ لیا تھا جب اس شخص نے اپنی تالی تلاش کرنا شروع کیا تو امام نے اس شخص سے کہا کہ میں ایک تعویذ بنا کر دوں گا جس سے آپ کی چیز مل جائے گی نیز جو تعویذ امام نے دیا وہ ایک عورت کی تصویر کےمشابہ تھی اب جو امام اس قدر بے ادبی کا تعویذ استعمال کرے عند الشرع اس امام کے لیے کیا حکم ہے؟ وہ شخص امامت کا اہل ہے یا نہیں؟

فتاویٰ #1845

----بسم اللہ الرحمن الرحیم :----- الجواب:---- کبھی اس قسم کی حرکت خوش فعلی کے طور پر بھی کی جاتی ہے اگر ایسا ہی ہے تو امام پر کوئی الزام نہیں اور اگر اس نے از روے مزاح ایسا نہیں کیا تھا تو اس نے ایک فریب دیا اس لیے وہ امامت کا اہل نہیں۔ اس نے جو تعویذ دیا اگر وہ واقعی تصویر تھی تو یہ اس نے دوسرا گناہ کیا اس کی وجہ سے بھی وہ لائق امامت نہ رہا اور اگر وہ تصویر نہیں تھی تو کوئی حرج نہیں ۔ واللہ تعالی اعلم---(فتاوی جامعہ اشرفیہ، جلد:۵(فتاوی شارح بخاری))---