دارالاِفتاء

ایک مؤذن زید پانچوں وقت کی اذان مسجد میں دیتا ہے ظاہر میں کوئی کام نہیں کرتا ہے مسجد ہی میں پڑا رہتا ہے جب مسجد سے باہر لوگوں سے ملاقات ہوتی ہے تو لوگ اس سے کام دھندھے کے لیے کہتے ہیں تو وہ اس کے جواب میں کہتا ہے : میں نے ہفتہ بھر پہلے ہی سٹہ لگایا تھا یہ(نوٹ دکھاتے ہوئے) سو ڈھیڑھ سو روپے مل گئے ، میاں سب اللہ دیتا ہے میں کسی کی پروا نہیں کرتا ہوں۔ ایسے مؤذن کو مسجد میں اذان دینی چاہیے یا نہیں اور مسلمانوں کو اس معاملے میں کیا صورت اختیار کرنی چاہیے، اور ایک مؤذن کے لیے کیا خوبیاں ہونی چاہیے؟ مدلل جواب عنایت فرمائیں۔

فتاویٰ #1449

بسم اللہ الرحمن الرحیم- الجواب ــــــــــــ: سٹہ حرام ہے، سٹہ کے ذریعہ حاصل کی ہوئی رقم سود اور مال حرام ہے، سٹہ بازی کی وجہ سے یہ مؤذن فاسق معلن ہو گیا اور اس سے اذان دلانا ناجائز ہے۔ در مختار میں ہے: ویکرہ أذان جنب (إلی أن قال) وفاسق ولوعالماً ۔ اس لیے اس مؤذن کو امامت سے علاحدہ کر دیا جائے۔ واللہ تعالی اعلم(فتاوی جامعہ اشرفیہ، جلد:۵ (فتاوی شارح بخاری))