دارالاِفتاء

نماز فجر کی اذان کے بعد سے اداے فجر فرض نماز تک سواے سنت کے اور کوئی نفل نماز پڑھی جا سکتی ہے یا نہیں؟ مع حوالہ کتب معتبرہ ارقام فرمائیں۔ وعند اللہ ماجور ہوں۔ بینوا توجروا

فتاویٰ #1417

بسم اللہ الرحمن الرحیم- الجواب ــــــــــــ: صبح صادق کے طلوع اور فجر کے فرض کے مابین سنت فجر کے علاوہ نفل نماز مکروہ ہے اور یہ مکروہ مکروہ تحریمی ہے۔ تنویر الابصار اور در مختار میں ہے: وکرہ نفل قصدا ۔۔۔ بعد صلاۃ فجر و صلاۃ عصر وبعد طلوع فجر سوی سنتہ اہـ۔ اس کے تحت شامی میں ہے: والکراہۃ ہہنا تحریمیۃ أیضا کما صرح بہ في الحلیۃ، ولذا عبر في الخانیۃ والخلاصۃ بعدم الجواز، والمراد عدم الحل لا عدم الصحۃ کما لا یخفی۔ واللہ تعالی اعلم(فتاوی جامعہ اشرفیہ، جلد:۵ (فتاوی شارح بخاری))