دارالاِفتاء

فرض نماز میں لقمہ دینا جائز ہے یا نہیں خواہ قراءت میں غلطی ہو یا ادایگی ارکان میں اور اگر امام نے لقمہ لے لیا تو کیا سجدۂ سہو واجب ہو جائے گا؟

فتاویٰ #1975

----بسم اللہ الرحمن الرحیم :----- الجواب:---- امام کی غلطی پر لقمہ دینا جائز ہے بلکہ اگر غلطی ایسی ہے جس سے نماز کے فاسد ہونے کا اندیشہ ہو تو ضروری۔ اگر واقعی غلطی ہوئی ہے تو اس کو لقمہ لینا ہی چاہیے اس سے نماز فاسد نہیں ہوگی۔ البتہ غلط لقمہ دینا حرام ہے۔ امام اگر غلط لقمہ لے گا تو امام کی نماز فاسد ہو جائے گی اور پھر سب مقتدیوں کی۔ واللہ تعالی اعلم---(فتاوی جامعہ اشرفیہ، جلد:۵(فتاوی شارح بخاری))---