دارالاِفتاء

روز جمعہ پیش امام نے نماز پڑھائی درمیان قراءت کے اندر کسی مقتدی نے لقمہ دیا باوجود اس کے کہ امام کی قراءت صحیح تھی ، امام نے ٹھہر کر پھر سے آیات کی قراءت شروعات کی مگر مقتدی کا لقمہ نہیں لیا اب اس میں تضاد ہوا، امام کی نماز صحیح ہوئی یا مقتدی کی؟ ان دونوں کی نماز میں سے کس کی باطل ہوئی اور کس کی حاصل ہوئی؟

فتاویٰ #1974

----بسم اللہ الرحمن الرحیم :----- الجواب:---- اگر امام نے صحیح پڑھا تھا تو جس نے لقمہ دیا اس کی نماز باطل ہوگئی۔ اگر امام لقمہ لے لیتا تو امام کی نماز بھی فاسد ہوجاتی اور جب امام کی نماز فاسد ہو جاتی تو سب کی نماز جاتی۔ لیکن بقول آپ کے جب امام نے لقمہ نہیں لیا تو امام کی نماز صحیح ہوگئی ۔ لیکن اب سوال یہ پیدا ہوتا ہے کہ امام نے لقمہ نہیں لیا تو لوٹ کر دوبارہ کیوں پڑھا؟ اس کا جواب امام صاحب سے لے کر دوبارہ سوال کریں۔ واللہ تعالی اعلم---(فتاوی جامعہ اشرفیہ، جلد:۵(فتاوی شارح بخاری))---