دارالاِفتاء

آج سے دو سال قبل ایک حافظ صاحب جو داڑھی منڈاتے تھے ان سے توبہ کروا کے اقرار لے کر مصلے پر کھڑا کیا گیا بعد رمضان المبارک پھر انھوں نے داڑھی منڈانا شروع کر دیا اب کی مرتبہ رمضان شریف کے موقع پر وہ پھر توبہ کر کے گزشتہ تقصیر پر نادم ہو کر داڑھی رکھنے کا اقرار کریں تو کیا اب بھی ان کو مصلے پر چڑھا یا جائے گا؟

فتاویٰ #1837

----بسم اللہ الرحمن الرحیم :----- الجواب:---- ان حافظ صاحب کو مصلے پر اس وقت تک نہ کھڑا کیا جائے جب تک ان کی داڑھی ایک مشت نہ ہو جائے اور نیز اس کا بھی نہ اطمینان ہو جائے کہ واقعی انھوں نے توبہ کر لی ہے۔رسمی تراویح کا معاوضہ وصول کرنے کے لیے رسمی توبہ نہیں۔ واللہ تعالی اعلم---(فتاوی جامعہ اشرفیہ، جلد:۵(فتاوی شارح بخاری))---