دارالاِفتاء

مغرب کی نماز کا وقت کتنی دیر تک رہتا ہے؟ مغرب کی جماعت کسی مجبوری کی بنا پر چھوٹ گئی تو کوئی شخص اپنی نماز جو پڑھے گا تو یہ نماز اس کی ادا ہوئی یا قضا ہوئی تحریر فرمائیں، اور کتاب کا حوالہ بھی تحریر فرمائیں۔

فتاویٰ #1411

بسم اللہ الرحمن الرحیم- الجواب ــــــــــــ: مغرب کا وقت غروب آفتاب سے لے کر شفق ابیض کے غروب تک ہے ، مقدار ہمارے ان دیار میں کم از کم ایک گھنٹہ اٹھارہ منٹ اور زیادہ سے زیادہ ایک گھنٹہ چھتیس منٹ ہے، لیکن بلا عذر دیر کرنا مکروہ ہے اگر کسی نے جماعت کے بعد فوراً اپنی نماز پڑھی تو بلا شبہہ اس کی نماز ادا ہوئی۔ واللہ تعالی اعلم۔(فتاوی جامعہ اشرفیہ، جلد:۵ (فتاوی شارح بخاری))