دارالاِفتاء

زید سنی صحیح العقیدہ ایک مسجد میں امام مقرر کیا گیا ہے اس کو یہ مسئلہ معلوم ہے کہ دیوبندی وہابی کے ہاتھ کا ذبیحہ مردار کے حکم میں ہے اس کے باوجود وہ ان کے ہاتھ کا ذبیحہ کھاتا ہے اور یہ بھی معلوم ہے کہ جس گھڑی میں چین لگی ہو اس کو پہن کر نماز نہیں ہوتی پھر بھی وہ چین والی گھڑی پہن کر نماز پڑھاتا ہے۔ اس کے پیچھے نماز پڑھنا کیسا ہے؟

فتاویٰ #1933

----بسم اللہ الرحمن الرحیم :----- الجواب:---- اگر یہ صحیح ہے کہ زید ایسے دیوبندی کے ہاتھ کا ذبیحہ کھاتا ہے جو گنگوہی ، نانوتوی، انبیٹھی، تھانوی کی ان کفری عبارتوں پر مطلع ہے جن پر علماے عرب وعجم ، حل وحرم نے ان چاروں کے بارے میں یہ فتوی دیا کہ جو شخص ان کی ان کفری عبارتوں پر مطلع ہوتے ہوئے ان کو کافر نہ جانے وہ بھی کافر ہے تو ضرور زید فاسق معلن ہوا، اسے امام بنانا جائز نہیں ۔ اس کے پیچھے نماز مکروہ تحریمی واجب الاعادہ ہے۔ رہ گیا گھڑی کی چین کامسئلہ تو اس خادم کی راے یہ ہے کہ سونے چاندی کے علاوہ کسی اور دھات کی چین گھڑی کے ساتھ باندھنی ناجائز نہیں۔ اور اسے باندھ کر نماز پڑھنے میں بھی کوئی حرج نہیں۔ واللہ تعالی اعلم---(فتاوی جامعہ اشرفیہ، جلد:۵(فتاوی شارح بخاری))---