دارالاِفتاء

جیل کے اندر ایک ہی بیرک میں پچاس سے زیادہ مسلم بندی رہتے ہیں اور پانچوں وقت کی نماز باجماعت اداکرتے ہیں ان پچاس آدمیوں میں ایک حافظ ہیں جو دیوبندی عقیدے سے تعلق رکھتے ہیں تعلق ہی نہیں بلکہ علانیہ دیوبندی ہیں اور ایک مولوی صاحب ہیں جو اپنے آپ کو سنی بتاتے ہیں ، افعال وکردار سنیوں جیسے ہیں لیکن ان کے متعلق عوام اور پولس کی نگاہ میں لواطت کے کئی مقدمے ہیں ۔ اور ہم میں سے کچھ آدمی ایسے ہیں جو نماز تو پڑھا سکتے ہیں لیکن وہ مسائل نماز اور فن تجوید سے پوری طرح واقف نہیں ہیں۔ ان تینوں مذکورہ بالا صورتوں میں ہم لوگ کن کی امامت میں نماز پڑھیں۔ دیوبندی حافظ یا لوطی مولوی یا جو قراءت میں تجوید کی رعایت نہیں کرپاتے یا فرداً فرداً؟ جواب عنایت فرمائیں۔

فتاویٰ #1819

----بسم اللہ الرحمن الرحیم :----- الجواب:---- دیوبندی کے پیچھے نماز ہرگز ہرگز نہ پڑھیں، اس کے پیچھے نماز پڑھنی نہ پڑھنے کے برابر ہے بلکہ منجر إلی الکفر ہے اور سی طرح لوطی مولوی کے پیچھے بھی نہ پڑھیں ۔ امام کا علامہ ہونا ضروری نہیں، ان کے علاوہ موجودہ لوگوں میں جس کی قراءت سب سے زیادہ صحیح ہو اس کو امام بنائیں۔ واللہ تعالی اعلم---(فتاوی جامعہ اشرفیہ، جلد:۵(فتاوی شارح بخاری))---