دارالاِفتاء

نماز جمعہ کی اذان ثانی مسجد کے دروازے پر ہوتی ہے لیکن بکر کا کہنا ہے کہ دروازے پر اذان دینا جائز نہیں، نہ کسی کتاب میں نہ اسلاف سے کہیں حکم ملتا ہے آیا بکر کا یہ کہنا غلط ہے یا صحیح؟

فتاویٰ #1496

بسم اللہ الرحمٰن الرحیم – الجواب ــــــــــــــــــــ: مسجد کا دروازہ اگر مسجد سے باہر ہے اور منبر کے سامنے ہے تو بلا شبہ دروازے پر اذان دینی درست ہے۔ ابو داؤد شریف میں ہے کہ حضور اقدس ﷺ اور حضرات شیخین کریمین رضی اللہ تعالی عنہما کے عہد میں منبر کے سامنے مسجد سے باہر مسجد کے دروازے پر اذان ہوتی تھی۔ واللہ تعالی اعلم (فتاوی جامعہ اشرفیہ، جلد:۵( فتاوی شارح بخاری))