دارالاِفتاء

وہابیہ وکفار استنجا کے لیے ڈھیلا یا پتھر کا استعمال نہیں کرتے بلکہ وہابیہ تو اس کا مذاق وٹھٹھا کرتے ہیں کہ یہ ڈھیلے کی یا ڈھیلے والوں کی مسجد نہیں الغرض یہ فعل طریقہ اہل سنت ہے تو اس کا ترک ’’من تشبہ بقوم فہو منہم‘‘ کی وعید اطلاق کرے گی یا نہیں؟

فتاویٰ #1394

بسم اللہ الرحمن الرحیم- الجوابـــــــــــــــــــــــــــ: ’’من تشبہ بقوم فہو منہم‘‘سے مراد یہ ہے کہ اگر کوئی شخص کسی قوم کا شعار اختیار کرےگا تو وہ ان میں سے ہوگا۔ شعار ایسی عادت یا وضع کو کہتے ہیں جو اس قوم کے ساتھ خاص ہو دوسرے میں نہ پائی جاتی ہو جس سے وہ قوم پہچانی جاتی ہو۔ ڈھیلے سے استنجا نہ کرنا صرف وہابیوں اور ہندؤں کے ساتھ خاص نہیں اکثر اہل سنت بھی اس کے عادی ہیں اس لیے ڈھیلے سے استنجا نہ کرنے والے اس حدیث کے مصداق نہیں اگر ایسا ہوتا تو فقہا اس کی تصریح نہیں فرماتے کہ صرف پانی سے استنجا کافی ہے۔ واللہ تعالی اعلم(فتاوی جامعہ اشرفیہ، جلد ۵،(فتاوی شارح بخاری))