دارالاِفتاء

گھر کا لوٹا جو پیشاب خانہ میں لے جا کر رکھا جاتا ہو جہاں پیشاب بھی بچے کرتے ہوں اور وہی لوٹا پائخانہ کے لیے کھیت میں لے جاکر وہیں پر رکھا جاتا ہو تو اس لوٹے کی پیندی پاک رہے گی یا ناپاک اور ناپاک رہے گی تو ہمارے گھروں کی عورتیں لوٹے کو صاف کرنے کے لیے راکھی لگا کر لوٹا صاف کرتی ہیں ہاتھ سے رگڑتی ہیں، کبھی پیندی کو رگڑتی ہیں کبھی اوپر کے حصہ کو رگڑتی ہیں ۔ اس طرح سے صاف کرنے پر پورا لوٹا ناپاک ہو جائے گا یا نہیں؟

فتاویٰ #1378

بسم اللہ الرحمن الرحیم- الجواب ـــــــــــــــــــــــــــ: ناپاک جگہ رکھنے سے لوٹے کی پیندی ضرور ناپاک ہوگی عورتوں کے مانجھنے سے ضرور سب لوٹا ناپاک ہو جائے گا لیکن اخیر میں جب پانی بہا کر راکھ دور کر دی جائے گی تو لوٹا پاک ہو جائے گا۔ لوٹا صرف پانی بہانے سے پاک ہوجاتا ہے۔(البتہ عورتوں کو چاہیے کہ پہلے لوٹے کا ناپاک حصہ پاک کر لیں، اس کے بعد راکھی یا مٹی وغیرہ سے پورے لوٹے کو صاف کریں کہ بلا وجہ پاک حصے کو ناپاک کرنا ناجائز ہے۔) واللہ تعالی اعلم (فتاوی جامعہ اشرفیہ، جلد ۵،(فتاوی شارح بخاری))