دارالاِفتاء

ہندہ کی طلاق ہوے تین مہینہ پانچ روز ہوا اور دریافت کیا گیا ہندہ سے کہ ماہواری بھی اس کو تین مرتبہ ہوچکی ہے۔ ہندہ کہتی ہے کہ ہر مہینہ ۱۰ تاریخ کو ہوتی تھی۔ چند اشخاص گواہ بھی ہیں،تو شرع متین سے نکاح ہندہ کا جائز ہے یا نہیں؟بینوا تو جروا۔

فتاویٰ #1155

بسم اللہ الرحمٰن الرحیم- الجواب ـــــــــــــــــــــــــــ: طلاق کی عدت تین حیض ہے۔ کما قال اللہ تعالیٰ: وَ الْمُطَلَّقٰتُ يَتَرَبَّصْنَ بِاَنْفُسِهِنَّ ثَلٰثَةَ قُرُوْٓءٍ١ؕ وہ عورتیں جن کو طلاق دی گئی تین حیض تک رکی رہیں ۔ صورت مستفسرہ میں جب کہ ہندہ کو تین حیض ہوگئے تو طلاق کی عدت ختم ہوگئی لہٰذا ہندہ اپنا نکاح کر سکتی ہے۔ واللہ تعالیٰ اعلم ۔ (فتاوی حافظ ملت)