دارالاِفتاء

زید کی نانی نے زید کے منہ میں اپنا پستان لگا دیا اس وجہ سے کہ زید رو رہا تھا تاکہ چپ ہو جائے۔ زید کی نانی کا دودھ خشک ہو چکا تھا ۔ دودھ بالکل نہ تھا اور زید کی نانی کا لڑکا سات برس کا ہو چکا تھا ۔ زید کا نکاح اس کی خالہ کی لڑکی ہندہ سے ہو سکتا ہے یا نہیں؟ اور اس میں رضاعت ثابت ہوگی یا نہیں؟بینوا توجروا۔

فتاویٰ #1098

بسم اللہ الرحمن الرحیم- الجواب ــــــــــــــــــــــــــ: اس صورت میں کہ نانی کا دودھ خشک ہو چکا تھا صرف بہلانے کے لیے زید کے منہ میں پستان ڈال دیا تھا اور دودھ کچھ نہیں اترا تو رضاعت ثابت نہ ہوگی اور جب رضاعت ثابت نہ ہوگی تو خالہ کی لڑکی سے زید کا نکاح ہو سکتا ہے۔ واللہ تعالیٰ اعلم بالصواب۔(فتاوی حافظ ملت)