دارالاِفتاء

زید صاحب ترتیب ہے اور بکر بے ترتیب ہے یہ دونوں حضرات شریک جماعت ہو سکتے ہیں؟ ان پر جماعت واجب ہے یا نہیں؟

فتاویٰ #2000

----بسم اللہ الرحمن الرحیم :----- الجواب:---- صاحب ترتیب جب تک اپنی تمام قضا نمازوں کو نہ پڑھ لے جماعت میں شریک نہیں ہو سکتا۔ صاحب ترتیب اپنی فوت شدہ نمازیں اد کیے بغیر اگر وقتیہ پڑھے گا اور وقت میں گنجائش بھی ہو تو اس کی وقتیہ نماز نہیں ہوگی، پھر اس کے جماعت میں شریک ہونے کا کیا سوال۔ اور جو صاحب ترتیب نہ ہو وہ جماعت میں شریک ہو بلکہ جماعت میں شریک نہ ہوگا تو اس پر جماعت چھوڑنے کا وبال ہوگا۔ واللہ تعالی اعلم---(فتاوی جامعہ اشرفیہ، جلد:۵(فتاوی شارح بخاری))---