دارالاِفتاء

اگر کسی مسجد میں تراویح میں قرآن سنا رہا ہو اور اس مسجد میں روپیہ دینے کا رواج ہو ایسی صورت میں وہاں تراویح سنا سکتا ہے یا نہیں؟

فتاویٰ #1995

----بسم اللہ الرحمن الرحیم :----- الجواب:---- جہاں تراویح سنانے والے کو معلوم ہے کہ یہاں تراویح سنانے پر حافظ کو کچھ دیا جاتا ہے وہاں تراویح سنانا جائز نہیں۔ فقہا نے فرمایا ہے: المعروف کالمشروط۔ یہ رواج بمنزلہ طے کرنے کے ہے۔ حدیث میں ہے کہ حضور اقدس ﷺ نے ارشاد فرمایا: إقروا القرآن ولا تاکلوا بہ ولا تستکثروا بہ۔ قرآن پڑھو مگر اس کا عوض نہ کھاؤ اور اسے اپنے مال کے زیادہ کرنے کا ذریعہ نہ بناؤ۔ واللہ تعالی اعلم---(فتاوی جامعہ اشرفیہ، جلد:۵(فتاوی شارح بخاری))---