دارالاِفتاء

اگر کسی عالم یا امام کو معلوم ہو کہ اگر میں مسجد میں امامت کروں گا تو مقتدیوں کی اکثریت میرے پیچھے نماز نہیں پڑھے گی اور آپس میں نفاق پیدا ہوگا اس کے باوجود اگر امامت کرے تو اس امام کے پیچھے نماز ہوگی یا نہیں؟

فتاویٰ #1937

----بسم اللہ الرحمن الرحیم :----- الجواب:---- اگر امام میں کوئی شرعی نقص نہیں صرف لوگ ضد اور عناد کی وجہ سے فتنہ مچائیں تو امام پر کوئی الزام نہیں ہوگا۔ مجرم فتنہ وفساد مچانے والے لوگ ہوں گے ۔اور اگر امام میں کوئی ایسا شرعی نقص ہے جس کی وجہ سے اس کے پیچھے نماز صحیح نہیں ہوتی یا مکروہ ہوتی ہے تو ضرور امام مجرم ہے ایسے ہی اماموں کے بارے میں فرمایا گیا: کہ ان کی نماز کانوں کے اوپر نہیں جاتی۔ واللہ تعالی اعلم---(فتاوی جامعہ اشرفیہ، جلد:۵(فتاوی شارح بخاری))---