دارالاِفتاء

صبح صادق شروع ہونے کے بعد فجر کی سنت سے پہلے اور سنت وفرض کے درمیان قضا نمازیں پڑھی جا سکتی ہیں کہ نہیں؟ جنتی زیور،ص:۱۹۷ میں درج ہے کہ صبح صادق سے سورج نکلنے تک فجر کی دورکعت سنت اور دو رکعت فرض کے سوا دوسری کوئی بھی نماز نفل پڑھنی منع ہے۔

فتاویٰ #1421

بسم اللہ الرحمن الرحیم- الجواب ــــــــــــ: صبح صادق طلوع ہونے کے بعد سے لے کر آفتاب نکلنے تک نماز فجر سے پہلے بھی اور نماز فجر کے بعد بھی قضا نمازیں پڑھی جاسکتی ہیں اس لیے کہ قضا نمازیں فرض ہیں نفل نہیں اور اس وقت نفل نماز ممنوع ہے فرض ممنوع نہیں۔ واللہ تعالی اعلم(فتاوی جامعہ اشرفیہ، جلد:۵ (فتاوی شارح بخاری))