دارالاِفتاء

ایک حوض میں پانچ کوئنٹل پانی ہے اس میں ایک کچھوا ڈال دیا ہے اس پانی سے وضو کرنا کیسا ہے؟

فتاویٰ #1320

بسم اللہ الرحمن الرحیم- الجواب ـــــــــــــــــــــــــــ: پانی میں رہنے والے کچھوے کے پانی میں ڈالنے سے پانی ناپاک نہ ہوگا اگر چہ پانی میں مرجائے، عامۂ کتب فقہ میں پانی میں رہنے والے بغیر خون کے جانوروں کا یہی حکم مذکور ہے ۔چناں چہ تنویر الابصار میں ہے : وإن مات فیہ غیر دموي کزنبورومائي المولد کسمک وسرطان۔ اس کے تحت شامی میں ہے : أي ما یکون توالدہ و مثواہ في الماء سواء کانت لہ نفس سائلۃ أو لا في ظاہر الروایۃ، بحر عن السراج۔ واللہ تعالی اعلم (فتاوی جامعہ اشرفیہ، جلد ۵،(فتاوی شارح بخاری))