دارالاِفتاء

زید ایک انگریزی داں ہے لیکن وہ کسی ایسے فعل کا مرتکب نہیں ہے جو غیر شرعی ہو ، داڑھی بھی رکھتا ہے۔ محلہ کی مسجد میں پنج گانہ نماز اور جمعہ کی نماز کی امامت بھی کرتا ہے اور دس پارہ حفظ بھی کیا ہے ۔ کیا ایسا شخص عیدین کی امامت کر سکتا ہے یا کہ نہیں؟

فتاویٰ #1842

----بسم اللہ الرحمن الرحیم :----- الجواب:---- بلا شبہہ یہ شخص عیدین کی بھی امامت کر سکتا ہے جب اس شخص میں ایسا کوئی نقص نہیں جو امامت میں خلل انداز ہو تو بلا کسی کراہت کے اسے امام بنانا درست ہے۔ محض انگریزی پڑھنے کی وجہ سے اس کی امامت میں کوئی نقص نہیں آ سکتا۔ واللہ تعالی اعلم---(فتاوی جامعہ اشرفیہ، جلد:۵(فتاوی شارح بخاری))---