دارالاِفتاء

حسنو کا انتقال ہواچھوڑا زوجہ مسماۃجونہ کو اور دو لڑکے اکبر خان اور جنتی خان کو اور تین لڑکیاں نوکھا بی بی، ولیہ بی بی، مظلومہ بی بی۔ اس کے بعد انتقال ہوا مسماۃ جونہ کا چھوڑا ورثۂ مذکور کو ، اس کے بعد نوکھا بی بی کا انتقال ہوا، چھوڑا ورثۂ مذکور کو پس ترکہ حسنو کا کس طرح تقسیم ہوگا۔ بینوا توجروا۔

فتاویٰ #1258

بسم اللہ الرحمن الرحیم- الجواب : مسماۃ جونہ اور مسماۃ نوکھا بی بی نے جب کہ ورثہ مذکور کے علاوہ اور ورثہ نہیں چھوڑا تو وہ کان لم تکن ہوئیں۔ لہذا بعد تقدیم ما تقدم علی الارث حسنو کا ترکہ ۶؍ سہام پر تقسیم ہو کر دو دوسہام اکبر خان و جنتی کو ، ایک ولیہ کو اور ایک مظلومہ کو ملیں گے۔ واللہ اعلم۔(فتاوی حافظ ملت)