دارالاِفتاء

نماز کا وقت جس وقت شروع ہو اسی وقت اذان ہونی چاہیے یا کتنی دیر بعد جیسے آج کل عشا کا وقت آٹھ بج کر گیارہ منٹ پر شروع ہوجاتا ہے تو اذان اسی وقت ہو یا کچھ دیر بعد اور جماعت کا وقت اذان سے کتنی دیر بعد رکھا جائے ۔ کہیں ۱۵؍ منٹ، کہیں ۳۰؍ منٹ اذان ہونے کے بعد سے جماعت کا وقت ہوتا ہے آیا یہ صحیح ہے یا غلط؟ جواب مرحمت فرمائیں۔

فتاویٰ #1440

بسم اللہ الرحمن الرحیم- الجواب ــــــــــــ: جماعت کے لیے جو وقت مقرر ہے اس سے اتنے پہلے اذان کہی جائے کہ نمازی ضروریات سے فارغ ہو کر وضو کر کے سنتیں پڑھ کر جماعت میں شامل ہو سکیں۔ اس کے لیے ۱۵؍ منٹ بھی کافی ہے لیکن اگر مسجد کا حلقہ وسیع ہے ، لوگ کچھ دور سے نماز پڑھنے آتے ہیں اس کے لیے کچھ اور پہلے کہا جائے لیکن یہ زیادہ سے زیادہ ۳۰؍ منٹ کافی ہے۔ واللہ تعالی اعلم(فتاوی جامعہ اشرفیہ، جلد:۵ (فتاوی شارح بخاری))