دارالاِفتاء

بہ وقت جماع جو کپڑا بدن پر رہتا ہے ، مثلاً کرتا قمیص، تہبند، پاجامہ، بہ وقت غسل ان سب کپڑوں کا دھونا ضروری ہے یا صرف تہبند یا پاجامہ ۔ ہمارے یہاں عموماً یہ رائج ہے کہ صرف پاجامہ یا تہبند دھوتے ہیں، اور کرتا ، قمیص، واسکوٹ، صدری، یا کوٹ نہیں دھوتے، یہ کیسا ہے؟

فتاویٰ #1009

بسم اللہ الرحمٰن الرحیم- الجواب ـــــــــــــــــــــ: جماع کے وقت جو لباس جسم پر ہوتا ہے وہ پاک ہے ، جس کپڑے کو نجاست لگ گئی وہی ناپاک ہوگا اور اتنا ہی ناپاک ہوگا جتنے کپڑے پر نجاست لگی، باقی حصہ اس کپڑے کا بھی پاک ہے۔ لہٰذا صرف کپڑے کے اس حصے کو دھونے کا حکم ہے جس میں نجاست لگی۔ اب اگر وہ نجاست انگریزی دَور کے سکے کے برابر ہے تو اسے دھونا واجب اور اس سے زیادہ ہے تو اسے دھونا فرض ہے۔(فتاوی حافظ ملت)