منی کے بارے میں بہار شریعت حصہ دوم میں مسئلہ تحریر ہے کہ اگر کپڑے پر لگی ہو سوکھ جانے پر جھاڑنے اور رگڑنے سے پاک ہو جائے گی۔ اس مسئلہ میں کچھ اشکال معلوم ہوتا ہے، ایسا نہیں کہ کتاب کے مسئلہ میں شک ہے۔ (معاذ اللہ) ایسی صورت میں اس کی وضاحت فرمائی جائے۔

#1361

بسم اللہ الرحمن الرحیم- الجواب ـــــــــــــــــــــــــــ: نجاستوں کے پاک کرنے کے مختلف طریقے ہیں، وہ منی جو کپڑے پر لگی ہو اس کے پاک کرنے کا ایک طریقہ یہ بھی ہے اور یہ خود حدیث میں وارد ہے ۔ کیا چیز پاک ہے اور کیا ناپاک ہے، اور ناپاک چیز کو پاک کرنے کا طریقہ کیا ہے؟ یہ عقل سے نہیں جانا جاسکتا اس کے بارے میں جو کچھ اللہ ورسول نے ارشاد فرمایا ہے اس کو تسلیم کرنا ضروری ہے۔ واللہ تعالی اعلم (فتاوی جامعہ اشرفیہ، جلد ۵،(فتاوی شارح بخاری))