دارالاِفتاء

کسی مدرس نے کسی مدرسے میں ملازمت کی اور اس مدرسہ میں اس کی کچھ تنخواہ باقی رہ گئی ہے طلب کرنے پر کمیٹی کے لوگ ٹال مٹول کر تے ہیں یعنی دینے کی نیت نہیں ہے ۔ مدرس نے ناامید ہو کر باقی رقم کو اس مدرسہ میں زکات وفطرہ کی نیت سے چھوڑ دیا، اس صورت میں اس پر زکات وفطرہ جو واجب تھا وہ ادا ہوا یا نہیں؟ معین الدین پلاموی

فتاویٰ #2598

اس (صورت)میں نہ زکات ادا ہوگی نہ فطرہ۔ در مختار میں ہے: وأداء الدین عن العین وعن دین سیقبض لا یجوز۔ (الدر المختار فوق رد المحتار، ص: ۱۹۰، ج:۳،کتاب الزکات، دار الکتب العلمیۃ، بیروت) اس کے تحت رد المحتار میں ہے: کجعلہ ما في ذمۃ مدیونہ زکاۃ لمالہ الحاضر(رد المحتار علی ہامش الدر المختار، ص: ۱۹۰، ج:۳،کتاب الزکات مطلب في زکاۃ ثمن المبیع وفاء، دار الکتب العلمیۃ، بیروت)۔ واللہ تعالی اعلم۔(فتاوی جامعہ اشرفیہ، جلد:۷(فتاوی شارح بخاری)